కుషాక్ ఆనిక్స్‌ని ఆటో ట్రాన్స్ మిషన్‌తో సిద్ధం చేసిన స్కోడా ఆటో ఇండియా

భారతదేశంలో ప్రీమియం కార్ల సెగ్మెంట్ అనగానే అందరికి గుర్తుకు వచ్చేది స్కోడా కార్లు. అద్బుతమైన ప్రీమియం ఫీచర్లతో ఉండే ఈ కార్లు భారతీయులను విశేషంగా ఆకట్టుకుంటున్నాయి. మరోవైపు స్కోడా కూడా అద్భుతమైన ఫీచర్లు కలిగిన కార్లని అందిస్తుంది. మరోవైపు స్కోడా ఆటో ఇండియా తమ నిరంతర వ్యూహాల్లో భాగంగా, 5-స్టార్ సేఫ్ ఫ్లీట్‌లో మరో అప్‌డేట్‌ను అందించింది. అదే కుషాక్ ఆనిక్స్ ఏటీ. స్కోడా అభిమానులు, వినియోగాదరులకు అధిక విలువను అందించే లక్ష్యంతో ఆనిక్స్‌ను అందిస్తుంది. నిజానికి వినియోగదారుల ఫీడ్‌బ్యాక్ ఆధారంగా ఈ కారుని 2023 మొదటి త్రైమాసికరంలో విడుదల చేశారు. ఇప్పుడు స్కోడా ఆటో ఇండియా, తాజాగా వినియోగాదురుల ఫీడ్‌బ్యాక్ ఆధారంగా, ఇప్పుడు కుషాక్ ఆనిక్స్‌‌లో ఆటోమేటిక్ ట్రాన్స్‌ మిషన్‌ను ప్రవేశపెట్టింది. అంతేకాదు సరికొత్త ఫీచర్లతో మరింత మెరుగుపరిచింది. ఇంకా చెప్పాలంటే ఈ సెగ్మెంట్లో అత్యంత సరసమైన ఆటోమేటిక్‌ కారు ఇది.

ఈ సందర్భంగా స్కోడా ఆటో ఇండియా బ్రాండ్ డైరెక్టర్ శ్రీ పీటర్ జనేబా మాట్లాడారు. ఆయన మాట్లాడుతూ, “ఆనిక్స్ వేరియంట్ మా లైనప్‌లో అద్భుతమైన కారు. అధిక వేరియంట్‌ల ఫీచర్లతో కలిపి ఒక కీలకమైన జోడింపుగా ఉంది. ఈ కొత్త కుషాక్ ఆనిక్స్ మా కస్టమర్‌ల నుండి వచ్చిన ఫీడ్‌బ్యాక్‌కు అనుగుణంగా రూపొందించాం. అంతేకాకుండా ఇది అందరికి అందుబాటులో ఉండే ధర వద్ద ప్రారంభం అవుతుంది. అన్నింటికి మించి ఆటోమేటిక్ వేరియంట్లో ఇదే అత్యంత తక్కువ ధర ఉన్న కారు. మరోవైపు వినియోగదారులకు ఎలాంటి ఇబ్బందులు లేని యాజమాన్య అనుభవాన్ని అందించడం, మా కస్టమర్‌లకు మరింత దగ్గరవ్వడం, మా కస్టమర్‌లు చెప్పేది నిరంతరం వినడం మా ప్రయత్నం, మా వృద్ధి వ్యూహంలో కీలక భాగం అని అన్నారు ఆయన.

ఇక స్కోడా ఆటో యొక్క కుషాక్ ఆనిక్స్ ఏటీ విషయానికి వస్తే... అంతకుముందు ఉన్న దానికంటే ఎక్కువ ఫీచర్స్ ఇందులో ఉన్నాయి. అత్యధికంగా అమ్ముడైన ఎస్‌యువీ యొక్క ప్రస్తుత యాక్టివ్, యాంబిషన్ వేరియంట్‌ల మధ్య స్లాట్‌లను కలిగి ఉంది. ఈ కుషాక్‌ను తయారు చేసే అధిక యాంబిషన్ వేరియంట్ నుండి ఎక్ట్సీరియర్స్ ఫీచర్‌లను చూస్తుంది. వాటిలో ఒకటి డీఆర్ఎఎల్ తో కూడిన స్కోడా క్రిస్టలైన్ ఎల్.ఈ.డీ హెడ్‌ల్యాంప్‌లు. మరోవైపు విజిబిలిటీ, భద్రతను మరింత మెరుగుపరిచేవి స్టాటిక్ కార్నరింగ్ ఫంక్షన్‌తో ఫ్రంట్ ఫాగ్ ల్యాంప్స్ ఇందులో ఉన్నాయి. అంతేకాకుండా వెనుక భాగం వైపర్ మరియు డీఫాగర్‌ను చూస్తుంది. స్కోడా ఆటో ఇండియా టెక్టన్ వీల్ కవర్‌లు, B-పిల్లర్‌లలో ‘ఆనిక్స్’ బ్యాడ్జింగ్‌తో కొనసాగుతుంది.

ఇక ఆనిక్స్ ఏటీ కారు లోపల ఉన్న ఫీచర్స్ విషయానికి వస్తే... చాలా అప్‌డేట్స్ ఉన్నాయి, హిల్ హోల్డ్ కంట్రోల్, పాడిల్ షిఫ్టర్స్ ఇందులో ఉన్నాయి. డ్రైవర్ ఇప్పుడు క్రోమ్ స్క్రోలర్‌తో 2-స్పోక్, మల్టీఫంక్షన్, లెదర్ స్టీరింగ్ వీల్‌ను పొందుతాడు. క్యాబిన్ టచ్ ప్యానెల్‌తో స్కోడా యొక్క క్లైమాట్రానిక్‌ను కూడా పొందుతుంది. ముందుభాగంలో ఉన్న స్క్రఫ్ ప్లేట్‌లు వాటిలో 'ఆనిక్స్' శాసనాన్ని పొందుతాయి. కారు కస్టమర్లు ఆనిక్స్-థీమ్ కుషన్లు, టెక్స్‌టైల్ మ్యాట్‌లను కూడా ప్రామాణికంగా పొందుతారు. ఈ లేటెస్ట్ ప్రొడక్ట్ అప్‌డేట్‌లో కొత్తదనం ఏమిటంటే, ఆనిక్స్ ఏటీలో స్టాండర్డ్‌‌గా ఆరు ఎయిర్‌బ్యాగ్‌‌లు ఉన్నాయి.

ఇక ఆనిక్స్ ఏటీకి ఉన్న ఇతర ప్రత్యేకతలను పరిశీలిస్తే... స్కోడా ఆటో ఇండియా యొక్క నిరూపితమైన 1.0 టీఎస్ఐ టర్బో-ఛార్జ్డ్ త్రీ-సిలిండర్ పెట్రోల్ ఇంజన్ ద్వారా శక్తిని పొందుతుంది. ఇది 85 kW (115 ps) శక్తిని, 178 Nm టార్క్‌‌ను అభివృద్ధి చేస్తుంది. ఆరు-స్పీడ్ ఆటోమేటిక్ ట్రాన్స్‌‌మిషన్‌తో వస్తుంది. అక్టోబర్ 2022లో గ్లోబల్ న్యూ కార్ అసెస్‌మెంట్ ప్రోగ్రామ్ క్రాష్ కుషాక్‌ను దాని కొత్త, కఠినమైన ప్రోటోకాల్‌ల కింద పరీక్షించింది. పెద్దవారి భద్రత కోసం 34కి 29.64 పాయింట్లు, పిల్లల భద్రత కోసం సాధ్యమయ్యే 49 పాయింట్లలో 42 పాయింట్లను సాధించింది ఈ కారు. అన్నింటికి మించి పెద్దలు, పిల్లల రక్షణ కోసం పూర్తి 5 స్టార్ రేటింగ్ ను స్కోర్ చేసిన మొదటి మేడ్-ఇన్-ఇండియా కారు స్కోడా కుషాక్.