తరచూ వార్తల్లో నిలిచే కంపెనీగా రిలయన్స్ ఇండస్ట్రీస్ మరోసారి ప్రథమ స్థానంలో నిలిచింది. 2024 ఏడాదికి గాను విజికీ వెలువరించిన న్యూస్ స్కోర్ ర్యాంకింగ్‌లో రిలయన్స్ టాప్ ప్లేస్‌ను సాధించింది. భారతదేశంలోని ప్రముఖ FMCG లేదా బ్యాంకింగ్, ఫైనాన్స్ కంపెనీల కంటే కూడా మీడియా అంతటా రిలయన్స్ విజిబిలిటీ చాలా ఎక్కువగా ఉందని AI-ఆధారిత మీడియా ఇంటెలిజెన్స్ సంస్థ తెలిపింది.
రిలయన్స్ 2024 వార్తల స్కోర్‌లో 100కి 97.43 స్కోర్ చేసింది. ఇది 2023లో 96.46, 2022లో 92.56, 2021లో 84.9 పాయింట్లు సాధించిందని విజికీ పేర్కొంది. ఏటికేడు పాయింట్ల పరంగా రిలయన్స్ వృద్ధి నమోదు చేస్తోందని తెలిపింది. రిలయన్స్ విజికీ న్యూస్ స్కోర్ వార్షిక ర్యాంకింగ్స్‌లో మొదటి నుండి గత ఐదేళ్లలో ప్రతిదానికీ అగ్రస్థానంలో కొనసాగుతోంది.
విజికీ న్యూస్ స్కోర్ అనేది వార్తల పరిమాణం, పతాక శీర్షికల ప్రాధాన్యం, ప్రచురణల రీచ్, రీడర్‌షిప్ ఆధారంగా నిర్ణయిస్తారు. ఇది ఆర్టిఫిషియల్ ఇంటెలిజెన్స్(AI), బిగ్ డేటా, మెషిన్ లెర్నింగ్, మీడియా ఇంటెలిజెన్స్‌ని ఉపయోగించి బ్రాండ్‌లు, వ్యక్తుల కోసం వార్తల దృశ్యమానతను కొలవడానికి ప్రపంచంలోని మొట్టమొదటి ప్రామాణిక కొలమానం.
తర్వాత ర్యాంకింగ్ లలో స్టేట్ బ్యాంక్ ఆఫ్ ఇండియా (89.13), HDFC బ్యాంక్ (86.24), One97 కమ్యూనికేషన్స్ (84.63), ICICI బ్యాంక్ (84.33), Zomato (82.94) ఉన్నాయి. భారతీ ఎయిర్‌టెల్ ఏడో స్థానంలో ఉండగా, ఇన్ఫోసిస్, టాటా మోటార్స్, టాటా కన్సల్టెన్సీ సర్వీసెస్(TCS), ITC తర్వాతి స్థానాల్లో ఉన్నాయి. అదానీ గ్రూప్ యొక్క ఫ్లాగ్‌షిప్ సంస్థ అదానీ ఎంటర్‌ప్రైజెస్ 40వ స్థానంలో ఉంది.