హోలీ పండుగ కానుకగా రిజర్వ్ బ్యాంక్ ఆఫ్ ఇండియా (ఆర్బీఐ) వడ్డీ రేట్లను తగ్గించింది. రెండు నెలల వ్యవధిలోనే వడ్డీ రేట్లను ఆర్బీఐ రెండోసారి తగ్గించింది. తద్వారా రేపో రేటును పావు శాతం మేరకు తగ్గిస్తున్నట్టు తెలిపింది.
అయితే నగదు నిల్వల నిష్పత్తి యథాతథంగా ఉంటుందని ప్రకటించింది. ఈ మార్పు తరువాత 7.75 శాతం వద్ద వున్న రెపో రేటు (బ్యాంకులకు ఆర్బీఐ ఇచ్చే నగదుపై వసూలు చేసే వడ్డీ) 7.50 శాతానికి తగ్గుతుంది.
దీనివల్ల వ్యవస్థలోకి కనీసం 40 వేల కోట్ల రూపాయలు చలామణిలోకి వస్తాయని ఆర్థిక నిపుణులు అంచనా వేస్తున్నారు. అలాగే బ్యాంకులకు నెలవారీ కిస్తీలు చెల్లిస్తున్న అందరూ ఎంతో కొంత లాభాపడవచ్చని ఆర్థిక నిపుణులు అంచనా వేస్తున్నారు.