రైల్వే ఉద్యోగులకు దసరా తీపికబురు... 78 రోజుల వేతనం బోనస్

ప్రపంచంలోనే అత్యంత పెద్దదైన రైల్వే వ్యవస్థగా గుర్తింపు పొందిన భారతీయ రైల్వే... ఆ సంస్థలో పని చేసే ఉద్యోగులకు తీపి కబురు చెప్పనుంది. రైల్వేల్లో పనిచేస్తున్న 12 లక్షల మందికి ప్రతియేటా ఇచ్చే బోనస్‌లో భాగ

ప్రపంచంలోనే అత్యంత పెద్దదైన రైల్వే వ్యవస్థగా గుర్తింపు పొందిన భారతీయ రైల్వే... ఆ సంస్థలో పని చేసే ఉద్యోగులకు తీపి కబురు చెప్పనుంది. రైల్వేల్లో పనిచేస్తున్న 12 లక్షల మందికి ప్రతియేటా ఇచ్చే బోనస్‌లో భాగంగా, ఈ సంవత్సరం 78 రోజుల బోనస్ అందనుంది. 

ఉద్యోగులు అడిగిన విధంగానే 78 రోజుల ప్రొడక్టివిటీ ఆధారిత బోనస్‌కు అనుకూల నిర్ణయం మరో వారంలో వెలువడనుందని నేషనల్ ఫెడరేషన్ ఆఫ్ ఇండియన్ రైల్వే మెన్స్ జనరల్ సెక్రటరీ ఎం రాఘవయ్య వెల్లడించారు. 

ప్రస్తుతం క్యాబినెట్ వద్ద ఉన్న బోనస్ ఫైల్‌పై ఆమోదముద్ర పడనున్నట్టు తెలుస్తోంది. ఈ బోనస్ కారణంగా ఇండియన్ రైల్వేపై రూ.2 వేల కోట్ల వరకూ భారం పడనున్నట్టు తెలుస్తోంది. అయితే, దీనిపై అధికారిక ప్రకటన వెలువడాల్సి వుంది.