May 2025 Bank Holidays: మే 2025 బ్యాంకు సెలవుల జాబితాను విడుదల చేసిన ఆర్బీఐ

రిజర్వ్ బ్యాంక్ ఆఫ్ ఇండియా (RBI) మే 2025 బ్యాంకు సెలవుల జాబితాను అధికారికంగా విడుదల చేసింది. ఈ షెడ్యూల్ ప్రకారం, వచ్చే నెలలో శని, ఆదివారాల్లో వారాంతపు సెలవులతో సహా మొత్తం 12 రోజులు బ్యాంకులు మూసివేయబడతాయి. వివిధ పండుగలు, జాతీయ, ప్రాంతీయ ఉత్సవాలు, జన్మదినోత్సవాల కారణంగా ఈ సెలవులను ప్రకటించినట్లు ఆర్బీఐ పేర్కొంది. 

సెలవుల వివరాలకు వెళ్తే.. 

మే 1 (గురువారం): కార్మిక దినోత్సవం / మహారాష్ట్ర దినోత్సవం

మే 4 (ఆదివారం): వారాంతపు సెలవు

మే 9 (శుక్రవారం): రవీంద్రనాథ్ ఠాగూర్ జయంతి

మే 10 (శనివారం): రెండవ శనివారం

మే 11 (ఆదివారం): వారాంతపు సెలవు

మే 12 (సోమవారం): బుద్ధ పూర్ణిమ

మే 16 (శుక్రవారం): సిక్కిం రాష్ట్ర దినోత్సవం (ప్రాంతీయ సెలవు)

మే 18 (ఆదివారం): వారాంతపు సెలవు

మే 24 (శనివారం): నాల్గవ శనివారం

మే 25 (ఆదివారం): వారాంతపు సెలవు

మే 26 (సోమవారం): కాజీ నజ్రుల్ ఇస్లాం పుట్టినరోజు (ప్రాంతీయ సెలవు)

మే 29 (గురువారం): మహారాణా ప్రతాప్ జయంతి

కాబట్టి బ్యాంక్ బ్రాంచీలను సందర్శించాల్సిన ముఖ్యమైన పనులు లేదా లావాదేవీలు ఉన్న ఖాతాదారులు పైన పేర్కొన్న సెలవు జాబితాను గమనించి తదనుగుణంగా ప్లాన్ చేసుకోవాలని సూచించారు. ఈ సెలవు దినాలలో, బ్యాంకు శాఖలు మూసివేయబడతాయి. తద్వారా కౌంటర్ సేవలు అందుబాటులో ఉండవు.

అయితే, ఈ సెలవు దినాలలో ఆన్‌లైన్ బ్యాంకింగ్, మొబైల్ బ్యాంకింగ్, యూపీఐ, ఏటీఎం సేవలు వంటి డిజిటల్ బ్యాంకింగ్ సేవలు పూర్తిగా పనిచేస్తాయని ఆర్బీఐ స్పష్టం చేసింది. వినియోగదారులు ఈ డిజిటల్ ప్లాట్‌ఫారమ్‌లను యథావిధిగా ఉపయోగించడం కొనసాగించవచ్చు.