కొత్త సంవత్సరం వేళ చౌక ధరలకే ఆకాశయానం

దేశంలోని ప్రైవేటు విమానయాన సంస్థలు కొత్త సంవత్సరాన్ని పురస్కరించుకుని ప్రత్యేక ఆఫర్లను ప్రకటించాయి. ముఖ్యంగా, చౌక ధరకే విమాన ప్రయాణ అవకాశాన్ని కల్పించాయి. దేశీయ సర్వీసుల్లో ఈ చౌక ధర టిక్కెట్ రూ.2023గా ఇండిగో ఎయిర్‌లైన్స్ సంస్థ నిర్ణయించింది. అలాగే, అంతర్జాతీయ సర్వీసుల్లో రూ.4999గా ఖరారు చేసింది. అయితే, ఎయిర్ ఏషియా మాత్రం రూ.1479కే ఈ టిక్కెట్‌ను ఆఫర్ చేస్తుంది. 

ఎయిర్ ఏషియా సంస్థ బెంగుళూరు కోచ్చి తదితర మార్గాల్లో 1497కే టిక్కెట్లను విక్రయించింది. డిసెంబరు 25వ తేదీ లోపు టిక్కెట్లు బుక్ చేసుకునేవారికి మాత్రమే ఈ వెసులుబాటు కల్పించింది. 2023 జనవరి 15 నుంచి 2023 ఏప్రిల్ 14వ తేదీ మధ్య ప్రయాణ టిక్కెట్లపై ఈ ఆఫర్లను ప్రటించింది. ఎయిర్ ఏషియా పోర్టల్, మొబైల్ యాప్, ఇతర బుకింగ్ సైట్లలో ఈ ప్రయాణ ఆఫర్‌‍ను పొందవచ్చని ఆ సంస్థ తెలిపింది.