ప్రభుత్వ రంగ యూనియన్ బ్యాంక్ ఆఫ్ ఇండియా గురువారం ప్రస్తుత ఆర్థిక సంవత్సర తొలి త్రైమాసిక ఫలితాలు వెల్లడించింది. జూన్ 30తో ముగిసిన ఈ త్రైమాసిక కాలంలో యూనియన్ బ్యాంక్ ఆఫ్ ఇండియా నికరలాభం 93.69 శాతం పెరిగి రూ.442.19 కోట్లకు చేరుకుంది.
ఇదిలా ఉంటే గత ఏడాది ఇదే త్రైమాసికంలో కంపెనీ నికరలాభం రూ.228.29 కోట్లకే పరిమితమైవుంది. ఈ మేరకు యూనియన్ బ్యాంక్ గురువారం బాంబే స్టాక్ ఎక్స్ఛేంజ్ (బీఎస్ఈ)కి వివరాలు తెలియజేసింది. ఇదిలా ఉంటే తాజా త్రైమాసికంలో మొత్తం ఆదాయం రూ.3,704 కోట్లకు పెరిగింది. గత ఏడాది తొలి త్రైమాసికంలో మాత్రం మొత్తం ఆదాయం రూ.2,754.88 కోట్ల వద్ద ఉంది.