టెర్మ్ డిపాజిట్లపై వడ్డీ రేటును పెంచిన సిండికేట్ బ్యాంక్

ఇతర ప్రైవేటు రంగ బ్యాంకులతో పోటీగా ప్రభుత్వ రంగ బ్యాంకింగ్ సంస్థ సిండికేట్ బ్యాంకు కూడా టెర్మ్ డిపాజిట్లపై వడ్డీ రేట్లను పెంచుతున్నట్లు ప్రకటించింది. ఒక కోటి రూపాయలు, ఆపై చేసే టెర్మ్ డిపాజిట్లపై వడ్డీ రేటును 75 బేసిస్ పాయింట్లు పెంచుతున్నట్లు బ్యాంకు పేర్కొంది.

దీంతో 7.75 శాతంగా ఉన్న వడ్డీ రేటు 8.50 శాతానికి పెరిగింది. మూడేళ్ల నుంచి ఐదేళ్ల కాలపరిమితి గల కోటి రూపాయలకు పైబడిన టెర్మ్ డిపాజిట్లపై ఈ కొత్త వడ్డీ రేటు డిసెంబర్ 2, 2010 నుంచి అమలులోకి రానున్నట్లు బ్యాంకు ఓ ప్రకటనలో తెలిపింది. ఇతర మెచ్యూరిటీ స్లాబ్‌లపై మాత్రం వడ్డీ రేటు యధావిధిగా కొనసాగుతుందని బ్యాంకు తెలిపింది.

పంజాబ్ నేషనల్ బ్యాంక్, అలహాబాద్ బ్యాంక్, స్టేట్ బ్యాంక్ ఆఫ్ బికానెర్, జైపూర్ వంటి బ్యాంకులు కూడా వినియోగదారులను ఆకట్టుకోవడానికి ఎంపిక చేయబడిన వివిధ రకాల డిపాజిట్లపై వడ్డీ రేట్లను ఈ వారం ప్రారంభంలో పెంచిన సంగతి తెలిసిందే.