గత ఆర్థిక సంవత్సరం(2009-10)లో తమ సంస్థకు చెందిన స్టీల్ ఉత్పత్తి అమ్మకాలు 18 శాతం వృద్ధి చెంది 6.17 మిలియన్ టన్నులు అమ్ముడైనట్లు టాటా స్టీల్ సంస్థ కోలకతాలో మంగళవారం ప్రకటించింది. అదే 2008-09లో కంపెనీ అమ్మకాలు 5.232 మిలియన్ టన్నుల స్టీల్‌ను అమ్మినట్లు కంపెనీ ఆ ప్రకటనలో పేర్కొంది.
ఇందులో భాగంగా గత ఆర్థికసంవత్సరం(2009-10)లో హాట్ మెటల్ 7.231 మిలియన్ టన్నుల మేరకు ఉత్పత్తి జరిగిందని సంస్థ తెలిపింది. అదే అంతకు మునుపు ఆర్థిక సంవత్సరం(2008-09)లో 6.254 మిలియన్ టన్నుల మేరకు ఉత్పత్తి అయ్యిందని కంపెనీ ఆ ప్రకటనలో వివరించింది. దీంతో గత ఆర్థిక సంవత్సరంలో ఉత్పత్తి జరిగిన హాట్ స్టీల్ 16 శాతం మేరకు వృద్ధి చెందిందని టాటా స్టీల్ సంస్థ ఆ ప్రకటనలో పేర్కొంది.
అదే గత ఆర్థిక సంవత్సరంలో ముడి ఉక్కు ఉత్పత్తిలోను 16 శాతం వృద్ధి చెంది 6.4349 మిలియన్ టన్నుల మేరకు ఉత్పత్తి జరిగింది. ఇదే అంతకు మునుపు ఆర్థిక సంవత్సరం(2008-09)లో ముడి ఉక్కు ఉత్పత్తి 5.375 మిలియన్ టన్నుల మేరకు ఉత్పత్తి జరిగిందని సంస్థ తెలిపింది.