ఆడామగా తేడా లేకుండా అందరిని బాధపెడుతున్న సమస్య హెయిర్ ఫాల్. అత్యధికులు ఈ సమస్యను ఎదుర్కొంటున్నారు. అయితే హెయిల్ ఫాల్ కోసం భారీగా ఖర్చు పెట్టక్కర్లేదు. అందుబాటులో ఉండే వస్తువులే అద్భుత ఔషధాలుగా పనిచేస్తాయి. ఉల్లి, వెల్లుల్లి, బంగాళాదుంప, కొత్తిమీర, క్యారెట్ల సాయంతో జుట్టు ఆరోగ్యాన్ని మెరుగుపరుచుకోవచ్చని బ్యూటీషన్లు అంటున్నారు.
1. తాజా వెల్లుల్లి గడ్డల నుంచి రసాన్ని తీసి మాడుకు పట్టించాలి. తద్వారా జట్టు ఆరోగ్యంగా ఉండడమే కాకుండా ఒత్తుగా పెరుగుతుంది.
2. ఉల్లిపాయ పేస్ట్‌తో జ్యూస్ తయారుచేసి అందులో 2 స్పూన్ల తేనె కలపాలి. ఈ మిశ్రమాన్ని తలకు పట్టించి 40-50 నిమిషాలపాటు ఉంచాలి. ఆపై గోరువెచ్చని నీటితో తలస్నానం చేయాలి. ఇలా తరచు చేస్తే జుట్టు రాలకుండా ఉంటుంది.
3. తరిగిన తాజా కొత్తిమీరకు కొద్దిగా నీరు కలిపి పేస్టులా తయారుచేసి మాడుకు అప్లై చేయాలి. గంటసేపటి తరువాత శుభ్రంగా కడిగేయాలి.
4. కొన్ని క్యారెట్లను బాగా ఉడికించాలి. వాటిని ఉడికించిన నీటితో సహా మెత్తగా రుబ్బాలి. ఆ పేస్ట్‌ను తలకు పట్టించి అరగంట తరువాత తలస్నానం చేయాలి.
5. మూడు బంగాళాదుంపలను మెత్తగా రుబ్బుకుని మెత్తని గుజ్జులా చేసి దానికి ఓ స్పూన్ తేనె, గుడ్డు పచ్చసొన, కొంచెం నీరు కలిపి ఆ మిశ్రమాన్ని తలకు పూయాలి. ఇలా చేస్తే జుట్టు ప్రకాశవంతంగా మారడమే కాకుండా ఒత్తుగా పెరుగుతుంది.