చాలామంది మహిళలు లేదా పురుషులు తమ ముఖసౌందర్యానికి ఇచ్చినంత ప్రాధాన్యత వారి కాళ్ళకు ఇవ్వరు. ముఖాన్ని ఎంత శుభ్రంగా ఉంచుకుంటారో.. కాళ్లు చేతులను కూడా అంతే శుభ్రంగా ఉంచుకోవడం కూడా అంతే ముఖ్యం.
చాలామంది మహిళలు లేదా పురుషులు తమ ముఖసౌందర్యానికి ఇచ్చినంత ప్రాధాన్యత వారి కాళ్ళకు ఇవ్వరు. ముఖాన్ని ఎంత శుభ్రంగా ఉంచుకుంటారో.. కాళ్లు చేతులను కూడా అంతే శుభ్రంగా ఉంచుకోవడం కూడా అంతే ముఖ్యం.
ముఖ్యంగా స్నానం చేసేటప్పుడు కాళ్ళపై ప్రత్యేక శ్రద్ధ అవసరం. కాళ్ళలో చేరుకున్న మురికి, కాలివేళ్లల్లో చేరుకున్న మురికిని తొలగించుకునేందుకు స్నానం చేసేటప్పుడు ప్రత్యేక శ్రద్ధ తీసుకోవాలి. దీనికి పెడిక్యూర్ సరైన విధానంగా చెప్పుకోవచ్చు.
* ఒక టబ్‌లో గోరువెచ్చని నీటిని నింపండి. అందులో షాంపూ, హైడ్రోజన్ పెరాక్సైడ్, అమ్మోనియం కలుపుకుని 15-20 నిమిషాలపాటు మీ కాళ్ళను అందులో ఉంచండి. దీంతో కాళ్ళ పగుళ్ళలో చేరుకున్న మురికి బయటకు వచ్చేస్తుంది.
* 15-20నిమిషాల తర్వాత కాళ్ళను శుభ్రమైన నీటితో కడిగి మెత్తటి తువాలుతో తుడవాలి. ఇప్పుడు ఫైలర్‌తో గోళ్ళకు ఓ షేప్ ఇవ్వండి.
* క్యూటికల్ కట్టర్‌తో గోళ్ళకు ఇరువైపులా ఉన్న చర్మాన్ని కట్‌చేసి శుభ్రపరచండి. గోళ్ళలోవున్న మురికిని కూడా శుభ్రపరచండి.
* స్క్రబర్‌తో మీ పాదాలను స్క్రబింగ్ చేసి కాళ్ళకు విటమిన్ "ఈ"కు చెందిన క్రీముతో మసాజ్ చేయండి.
* కాళ్ళను మరింత అందంగా తీర్చిదిద్దుకునేందుకు మీ కాలి గోళ్ళకు నెయిల్ పెయింట్ వేయండి. దీంతో కాళ్ళు అందంగా కనపడుతాయి.