మీది మహర్ జాతకం(వీరప్రసాద్.రాఖ- రాజమండ్రి)

వీరప్రసాద్.రాఖ- రాజమండ్రి: మీరు పంచమి, సోమవారం, తులా లగ్నము, పూర్వాషాఢ నక్షత్రం ధనుర్ రాశి నందు జన్మించారు. తులా లగ్నము అవ్వడం వల్ల లగ్నాధిపతి అయిన శుక్రుడు ఉచ్ఛి చెంది ఉండటం వల్ల మీది మహర్ జాతకం. 2016 లేక 2017 నందు ప్రభుత్వరంగ సంస్థలలో కానీ కార్పొరేట్ సంస్థలలో కానీ స్థిరపడతారు. ఊహాగానాలతో కాలం వ్యర్థం చేయక సత్ కాలాన్ని సద్వినియోగం చేసుకోండి. 

2022 వరకూ ఏల్నాటి శనిదోషం అధికంగా ఉన్నందువల్ల ప్రతి శనివారం 20 సార్లు నవగ్రహ ప్రదక్షణ చేసి తెల్లని పూలతో శనిని పూజించండి. మీకు శుభం కలుగుతుంది. దేవాలయాలలో నిమ్మ చెట్టును నాటిని మీకు ఎటువంటి దోషాలు ఉన్నా తొలగిపోతాయి. 2014 మే నుంచి కుజ మహర్దశ ప్రారంభమైంది. ఈ కుజుడు 2017 నుంచి 2021 వరకూ యోగాన్ని ఇస్తాడు. తదుపరి రాహు మహర్దశ 18 సంవత్సరములు మంచి యోగాన్ని, అభివృద్ధిని ఇస్తుంది. ప్రతిరోజూ మహాగణపతిని ఆరాధించినట్లయితే మీకు ఎలాంటి దోషాలు ఉన్నా తొలగిపోయి అభివృద్ధి పొందుతారు.

గమనిక: మీ సందేహాలను editor_telugu@webdunia.net కి పంపండి. పంపేముందు మీ పేరు, మీ పుట్టినతేదీ, పుట్టిన సమయం, పుట్టిన ఊరు రాయడం మర్చిపోవద్దు. జాతక ఫలితాల కోసం అత్యధిక సంఖ్యలో ప్రశ్నలను వీక్షకులు పంపిస్తూ ఉన్నారు. కనుక మీ ఫలితాల కోసం కాస్త వేచి ఉండగలరు. పంపిన వారందరివీ ప్రశ్నలు-సమాధానాలు శీర్షికలో ప్రచురించబడుతాయి. ఒకసారి ప్రశ్న పంపినవారు మళ్లీమళ్లీ అదే ప్రశ్నలను తిరిగి పంపవద్దు.