ఏలినాటి శనిదోషం ఉంది... 16 సార్లు నవగ్రహ ప్రదక్షిణ చేయండి...

విశ్వనాథ్-విజయవాడ: మీరు త్రయోదశి ఆదివారం, ధనుర్ లగ్నము, విశాఖ నక్షత్రం, తులారాశి నందు జన్మించారు. 2017 వరకూ ఏలినాటి శనిదోషం అధికంగా ఉన్నందువల్ల నెలకు ఒక శనివారం నాడు 16 సార్లు నవగ్రహ ప్రదక్షిణ చేసి తెల్లని పూలతో శనిని పూజించండి. 2017 వరకూ ఒత్తిడి, చికాకు ఆందోళనలు వంటివి ఉన్నప్పటికీ తాత్కాలికం అని గమనించండి. ఈ దోషాలకు ఏదైనా దేవాలయంలో మొగలి చెట్టును నాటినా సర్వదా శుభం కలుగుతుంది. పంచముఖ ఆంజనేయస్వామిని మంగళవారం పూట తమలపాకులతో ఆకుపూజ చేసి ఆరాధించండి. 2007 నుంచి బుధ మహర్దశ ప్రారంభమైంది. ఈ బుధుడు 2016 ఫిబ్రవరి నుంచి 2024 వరకూ సత్ఫలితాలను ఇస్తాడు. 2016 నందు మీ అభివృద్ధికి మంచిమంచి అవకాశాలు లభిస్తాయి.

గమనిక: మీ సందేహాలను editor_telugu@webdunia.net కి పంపండి. పంపేముందు మీ పేరు, మీ పుట్టినతేదీ, పుట్టిన సమయం, పుట్టిన ఊరు రాయడం మర్చిపోవద్దు. జాతక ఫలితాల కోసం అత్యధిక సంఖ్యలో ప్రశ్నలను వీక్షకులు పంపిస్తూ ఉన్నారు. కనుక మీ ఫలితాల కోసం కాస్త వేచి ఉండగలరు. పంపిన వారందరివీ ప్రశ్నలు-సమాధానాలు శీర్షికలో ప్రచురించబడుతాయి.