29-09-2024 ఆదివారం దినఫలితాలు : కొత్త వ్యక్తులతో జాగ్రత్త.. వాదనలకు దిగవద్దు...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

అవిశ్రాంతంగా శ్రమిస్తారు. మీ కష్టం మరొకరికి కలిసివస్తుంది. ఆలోచనలతో సతమతమవుతారు. దుబారా ఖర్చులు విపరీతం. ఒక అవసరానికి ఉంచిన ధనం మరోదానికి వ్యయం చేస్తారు. పనులు మందకొడిగా సాగుతాయి. స్వల్ప అస్వస్థతకు గురవుతారు.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

అప్రమత్తంగా ఉండాలి. బాధ్యతలు స్వయంగా చూసుకోండి. కొత్త వ్యక్తులతో జాగ్రత్త. వాదనలకు దిగవద్దు. పనులు సాగవు. రోజువారీ ఖర్చులే ఉంటాయి. ఉద్యోగస్తులకు పనిభారం. వ్యాపారాలు నిరుత్సాహపరుస్తాయి. అప్రియమైన వార్తలు వినవలసివస్తుంది.

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

మీ ఓర్పునకు పరీక్షా సమయం. ఏ విషయాన్నీ అంతగా పట్టించుకోవద్దు. రావలసిన ధనం అందుతుంది. నగదు డ్రా చేసేటపుడు జాగ్రత్త. పనుల్లో ఒత్తిడి అధికం. ఉద్యోగస్తులకు యూనియన్‌లో వ్యతిరేకత ఎదురవుతుంది. పదవులు, బాధ్యతల నుంచి తప్పుకుంటారు.

కర్కాటకం : పునర్వసు 4వ పాదం, పుష్యమి, ఆశ్లేష

దంపతుల మధ్య ఏకాభిప్రాయం నెలకొంటుంది. సంతానం భవిష్యత్తుపై దృష్టిపెడతారు. అనవసర జోక్యం తగదు. వ్యాపారాలు ఊపందుకుంటాయి. ఉపాధ్యాయులకు కొత్త బాధ్యతలు. ఆరోగ్యం బాగుంటుంది. ఆధ్యాత్మిక, సామాజిక కార్యక్రమాల్లో పాల్గొంటారు. 

సింహం : మఖ, పుబ్బ, ఉత్తర 1వ పాదం

అన్ని విధాలా కలిసివచ్చే సమయం. అవకాశాలను చేజిక్కించుకుంటారు. రుణ సమస్యల నుంచి బయటపడతారు. నిలిపివేసిన పనులు పూర్తి చేస్తారు. ఊహించని సంఘటనలు ఎదురవుతాయి. సన్నిహితులతో సంభాషిస్తారు. గృహమార్పు అనివార్యం. ప్రయణం విరమించుకుంటారు. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

ఆటుపోట్లను ధైర్యంగా ఎదుర్కుంటారు. మీ శ్రీమతి ఆరోగ్యం మెరుగుపడుతుంది. ఇంటి విషయాలపై దృష్టి పెడతారు. పనులు చురుకుగా సాగుతాయి. నిరుద్యోగులు పోటీపరీక్షల్లో విజయం సాధిస్తారు. ఉపాధి పథకాలు కలిసివస్తాయి. పత్రాలు అందుకుంటారు. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

శ్రమించినా ఫలితం ఉండదు. నిస్తేజానికి లోనవుతారు. ఆలోచనలు నిలకడగా ఉండవు. దంపతుల మధ్య అవగాహన లోపం. పంతాలకు పోవద్దు. పనులు అర్ధాంతంగా నిలిపివేస్తారు. ఖర్చులు సామాన్యం. సాఫ్ట్‌వేర్ విద్యార్థుల కృషి ఫలిస్తుంది. వాహనం నడిపేటపుడు జాగ్రత్త. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

ప్రత్యేక గుర్తింపు పొందుతారు. కార్యక్రమాలు నిర్విఘ్నంగా సాగుతాయి. కొన్ని పనులు ఆకస్మికంగా పూర్తవుతాయి. పరిచయస్తులు ధనసహాయం అర్ధిస్తారు. కొంతమొత్తం సాయం అందించండి. నగదు, ఆభరణాలు జాగ్రత్త. అపరిచితులతో మితంగా సంభాషించండి.

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

అనుక్నుది సాధిస్తారు. మీ నమ్మకం ఫలిస్తుంది. ఉల్లాసంగా గడుపుతారు. ఎదురుచూస్తున్న పత్రాలు, వస్తువులు అందుతాయి. ఆరోగ్యం జాగ్రత్త. నిరుద్యోగులు పోటీపరీక్షల్లో రాణిస్తారు. ఉపాధి పథకాలు చేపడతారు. ఆసక్తికరమైన విషయాలు తెలుసుకుంటారు. 

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

ప్రముఖులతో పరిచయాలేర్పడతాయి. ఓర్పుతో యత్నాలు సాగిస్తారు. రోజువారీ ఖర్చులే ఉంటాయి. మీ శ్రీమతి ఆరోగ్యం మెరుగుపడుతుంది. కొత్త పనులు చేపడతారు. సంతానం దూకుడు అదుపు చేయండి. చిన్ననాటి పరిచయస్తులతో సంభాషిస్తారు. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

సంతానానికి శుభయోగం. సకాలంలో పనులు పూర్తి చేస్తారు వివాహయత్నాలు తీవ్రంగా సాగిస్తారు. కలిసివచ్చి అవకాశాన్ని అందిపుచ్చుకోండి. రోజువారీ ఖర్చులే ఉంటాయి. చెల్లింపుల్లో జాగ్రత్త. వ్యాపారాలు నిరుత్సాహపరుస్తాయి. విందులకు హాజరవుతారు. 

మీనం : పూర్వాబాద్ర 4వ పాదం, ఉత్తరాబాద్ర, రేవతి

ఆశావహదృక్పథంతో మెలగండి. పంతాలకు పోవద్దు. ఖర్చులు అదుపులో ఉండవు. సకాలంలో పనులు పూర్తి చేస్తారు. ఫోన్ సందేశాలు పట్టించుకోవద్దు. పత్రాలు అందుకుంటారు. ఉద్యోగ బాధ్యతల్లో ఏకాగ్ర వహించండి. వ్యాపారాలు నిరుత్సాహపరుస్తాయి.