08-10-2024 మంగళవారం దినఫలితాలు : ఖర్చులు అదుపులో ఉండవు...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

వివాహయత్నాలు తీవ్రంగా సాగిస్తారు. దళారులను ఆశ్రయించవద్దు. ఖర్చులు అదుపులో ఉండవు. పనులు మందకొడిగా సాగుతాయి. వ్యాపారాభివృద్ధికి పథకాలు రూపొందిస్తారు. ఉద్యోగస్తులకు పనిభారం, విశ్రాంతి లోపం. దైవదర్శనాల్లో అవస్థలెదుర్కుంటారు. 

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

ఓర్పుతో యత్నాలు సాగించండి. అవకాశాలను వదులుకోవద్దు. సన్నిహితులతో సంభాషిస్తారు. ఖర్చులు అదుపులో ఉండవు. బంధువుల రాక ఇబ్బంది కలిగిస్తుంది. కార్యక్రమాలు సాగవు. వేడుకకు హాజరవుతారు. మీ బలహీనతలు అదుపులో ఉంచుకోండి. 

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

బాధ్యతలు అప్పగించవద్దు. నమ్మకస్తులే మోసగించేందుకు యత్నిస్తారు. దంపతుల మధ్య దాపరికం తగదు. రోజువారీ ఖర్చులే ఉంటాయి. డబ్బుకు ఇబ్బంది ఉండదు. కొత్త విషయాలు తెలుసుకుంటారు. ఉద్యోగస్తులకు పనిభారం. వ్యాపారాలు ఊపందుకుంటాయి. 

కర్కాటకం : పునర్వసు 4వ పాదం, పుష్యమి, ఆశ్లేష 

వ్యవహారాల్లో ఒత్తిడికి గురి కావద్దు. అనుభవజ్ఞులను సంప్రదించండి. పనులు అర్థాంతంగా ముగిస్తారు. ఒక సమాచారం ఉపశమనం కలిగిస్తుంది. బంధువులతో సంభాషిస్తారు. ఉద్యోగస్తులు ప్రశంసలందుకుంటారు. వ్యాపారాల్లో లాభనష్టాలు సమీక్షించుకుంటారు. 

సింహం : మఖ, పుబ్బ, ఉత్తర 1వ పాదం

పట్టుదలతో లక్ష్యాన్ని సాధిస్తారు. మీదైన రంగంలో ఒత్తిడి పెరగకుండా జాగ్రత్త వహించండి. ఖర్చులు అధికం. ప్రభుత్వ కార్యాలయాల్లో పనులు సానుకూలమవుతాయి. ఉద్యోగస్తులకు పదవీయోగం. ముఖ్యులకు వీడ్కోలు పలుకుతారు. వేడుకల్లో అత్యుత్సాహం తగదు. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

అపజయాలకు కుంగిపోవద్దు. ధైర్యంగా యత్నాలు సాగించండి. అవకాశాలను తక్షణం అందిపుచ్చుకోండి. పనులు మందకొడిగా సాగుతాయి. కొత్త వ్యక్తులతో జాగ్రత్త. అనవసర జోక్యం తగదు. ఉద్యోగ బాధ్యతల్లో తప్పిదాలను సరిదిద్దుకుంటారు. వ్యాపారాలు ఊపందుకుంటాయి. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

చాకచక్యంగా వ్యవహరిస్తారు. సమర్థతకు గుర్తింపు లభిస్తుంది. అవకాశాలను చేజిక్కించుకుంటారు. ఖర్చులు అదుపులో ఉండవు. కొందరి మాటతీరు కష్టమనిపిస్తుంది. హోల్‌సేల్ వ్యాపారులకు పురోభివృద్ధి. ఉద్యోగస్తుల కార్యక్రమాలు ప్రశాంతంగా సాగుతాయి. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

కార్యసాధనలో సఫలీకృతులవుతారు. లక్ష్యం నెరవేరుతుంది. ధనలాభం, వస్త్రప్రాప్తి ఉన్నాయి. ఆప్తులకు సాయం అందిస్తారు. నిలిపివేసిన పనులు పూర్తి చేస్తారు. వస్త్ర, బంగారం వ్యాపారాలు బాగుంటాయి. ఉద్యోగ బాధ్యతల్లో తప్పిదాలను సరిదిద్దుకుంటారు.

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం 

కొందరి వ్యాఖ్యలు ఉద్రేకపరుస్తాయి. ఏ విషయాన్నీ పెద్దగా పట్టించుకోవద్దు. పనులు చురుకుగా సాగుతాయి. మొండి బాకీలను లౌక్యంగా రాబట్టుకోవాలి. కొత్త యత్నాలు ప్రారంభిస్తారు. ప్రముఖులతో పరిచయాలేర్పడతాయి. పత్రాల్లో సవరణలు అనుకూలిస్తాయి. 

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

మాట నిలబెట్టుకుంటారు. పరిచయాలు బలపడతాయి. ఖరీదైన వస్తువులు కొనుగోలు చేస్తారు. రశీదులు జాగ్రత్త. పనులు సానుకూలమవుతాయి. పత్రాలు అందుకుంటారు. వ్యాపారాలు ఊపందుకుంటాయి. సాంకేతిక రంగాల వారికి ఆదాయాభివృద్ధి. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

వ్యవహారాలతో తీరిక ఉండదు. ఆలోచనలతో సతమతమవుతారు. ఖర్చులు అధికం. డబ్బుకు ఇబ్బంది ఉండదు. పనులు ఒక పట్టాన పూర్తి కావు. ఉద్యోగ బాధ్యతల్లో ఏకాగ్రత వహించండి. వ్యాపారాభివృద్ధికి మరింత శ్రమించాలి. కొనుగోలుదార్లతో జాగ్రత్త. 

మీనం : పూర్వాబాద్ర 4వ పాదం, ఉత్తరాబాద్ర, రేవతి

పట్టుదలతో శ్రమించండి. సాయం ఆశించవద్దు. స్వయంకృషితోనే కార్యం సాధిస్తారు. మీ సమర్థతపై నమ్మకం పెంచుకోండి. స్నేహసంబంధాలు బలపడతాయి. ఖర్చులు అధికం. ప్రైవేట్ సంస్థల ఉద్యోగస్తులకు ఓర్పు ప్రధానం. వ్యాపారాలు ఊపందుకుంటాయి.