05-02- 2025 బుధవారం దినఫలితాలు : నగదు డ్రా చేసేటపుడు జాగ్రత్త...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

కార్యక్రమాలు నిరాటంకంగా సాగుతాయి. సమర్ధతకు గుర్తింపు లభిస్తుంది. ప్రముఖులకు మరింత చేరువవుతారు. వ్యవహారాలు మీ సమక్షంలో సాగుతాయి. పొదుపు ధనం అందుకుంటారు. నగదు డ్రా చేసేటపుడు జాగ్రత్త, పనులు, బాధ్యతలు అప్పగించవద్దు.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

విజ్ఞతతో వ్యవహరిస్తారు. అందరితో సత్సంబంధాలు నెలకొంటాయి. కీలక బాధ్యతలు స్వీకరిస్తారు. బంధువులతో కాలక్షేపం చేస్తారు. ఆర్భాటాలకు విపరీతంగా ఖర్చుచేస్తారు. నిలిపివేసిన పనులు ఎట్టకేలకు పూర్తవుతాయి. దూరప్రయాణం తలపెడతారు.

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

ఆచితూచి అడుగేయాలి. అందరితోను మితంగా సంభాషించండి. పనులు అనుకున్న విధంగా పూర్తి చేస్తారు. ధనం మితంగా వ్యయం చేయండి. మీ శ్రీమతి వైఖరిలో మార్పు వస్తుంది. వివాహయత్నాలు తీవ్రంగా సాగిస్తారు. విలువైన వస్తువులు జాగ్రత్త.

కర్కాటకం : పునర్వసు 4వ పాదం, పుష్యమి, ఆశ్లేష

సంప్రదింపులు ఫలిస్తాయి. కొన్ని ఇబ్బందులు తొలగుతాయి. ఆందోళన తగ్గి కుదుటపడతారు. రావలసిన ధనం అందుతుంది. కొంతమొత్తం పొదుపు చేస్తారు. కొందరి రాక ఇబ్బంది కలిగిస్తుంది. పనులు ముందుకు సాగవు. అకాలభోజనం, విశ్రాంతి లోపం.

సింహం : మఖ, పుబ్బ, ఉత్తర 1వ పాదం

మనోధైర్యంతో అడుగులేయండి. ఏ విషయాన్నీ తీవ్రంగా పరిగణించవద్దు. యత్నాలను అయిన వారు ప్రోత్సహిస్తారు. అవకాశాలు చేజారినా నిరుత్సాహపడవద్దు. ఖర్చులు సామాన్యం. కీలక సమావేశాల్లో పాల్గొంటారు. మీ ప్రతిపాదనలకు ఆశించిన స్పందన లభిస్తుంది. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

కార్యసాధనకు అవిశ్రాంతంగా శ్రమిస్తారు. సన్నిహితుల వ్యాఖ్యలు ఉత్సాహాన్నిస్తాయి. వాయిదా పడిన పనులు పూర్తి చేస్తారు. ఆదాయ వ్యయాలకు పొంతన ఉండదు. చెల్లింపులు వాయిదా వేసుకుంటారు. పత్రాలు అందుకుంటారు. వాహనదారులకు దూకుడు తగదు. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

వ్యవహారాలతో తీరిక ఉండదు. అకాల భోజనం, విశ్రాంతి లోపం. ఒక సమాచారం ఉపశమనం కలిగిస్తుంది. ఖర్చులు అంచనాలను మించుతాయి. నగదు డ్రా చేసేటపుడు జాగ్రత్త. దంపతుల మధ్య అవగాహన నెలకొంటుంది. పత్రాల్లో సవరణలు అనుకూలిస్తాయి. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

కొన్ని విషయాలు అనుకున్నట్టే జరుగుతాయి. మాటతీరు ఆకట్టుకుంటుంది. వ్యతిరేకులు సన్నిహితులవుతారు. ఆర్భాటాలకు వ్యయం చేస్తారు. ఆత్మీయులతో కాలక్షేపం చేస్తారు. కొందరి వ్యాఖ్యలు నిరుత్సాహపరుస్తాయి. తలపెట్టిన పనులు ఆకస్మింగా నిలిపివేస్తారు. 

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

నిర్దిష్ట ప్రణాళికలతో ముందుకు సాగుతారు. యత్నాలు ప్రోత్సాహకరంగా సాగుతాయి. ధనలాభం, వాహన సౌఖ్యం ఉన్నాయి. విలాసాలకు విపరీతంగా వ్యయం చేస్తారు. సకాలంలో పనులు పూర్తిచేస్తారు. ఆరోగ్యం సంతృప్తికరం. వేడుకకు హాజరవుతారు.

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

కీలక విషయాల్లో సన్నిహితుల సలహా పాటించండి. అనాలోచిత నిర్ణయాలు ఇబ్బంది కలిగిస్తాయి. అందరితోనూ సౌమ్యంగా మెలగండి. ధనం మితంగా వ్యయం చేయండి. తలపెట్టిన పనులు ఒక పట్టాన సాగవు. ఒక సమాచారం ఉపశమనం కలిగిస్తుంది.

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

అనుకూలతలు అంతంత మాత్రమే. తప్పటడుగు వేసే ఆస్కారం ఉంది. దుబారా ఖర్చులు విపరీతం. పనులు హడావుడిగా సాగుతాయి. ప్రముఖులను కలిసినా ఫలితం ఉండదు. ఆత్మీయులతో సంభాషిస్తారు. ఒక సమాచారం ఉపశమనం కలిగిస్తుంది.

మీనం : పూర్వాబాద్ర 4వ పాదం, ఉత్తరాబాద్ర, రేవతి

మీ వాక్కు ఫలిస్తుంది. పరిచయాలు, సంబంధాలు బలపడతాయి, మాట నిలబెట్టుకుంటారు. ఆప్తులకు సాయం అందిస్తారు. పనులు చురుకుగా సాగుతాయి. నగదు, ఆభరణాలు జాగ్రత్త. కీలక పత్రాలు అందుతాయి, అయిన వారితో సంప్రదింపులు జరుపుతారు.