విదేశీ పక్షుల రాకతో పులకించి పోతున్న గ్రామస్థులు

File FILE

ప్రకాశం జిల్లా రాచర్ల మండలం, గౌతువరం గ్రామస్థులు విదేశీ పక్షుల సందడితో పులకించి పోతున్నారు. ప్రతి ఏడాది జూలై నెలలో పలు దేశాలకు చెందిన విదేశీ పక్షులు ఈ మారుమూల గ్రామానికి వస్తుంటాయి. ఈ పక్షులు చేసే సందడితో ఈ గ్రామం కిలకిలరావాలతో సందడిగా మారుతుంది. వీటిపై దాడి చేయాలని భావించే వారిని గ్రామస్థులే తగిన బుద్ధి చెపుతారు.

కొన్ని దశాబ్దాలుగా విదేశీ పక్షులు తమ గ్రామానికి వస్తున్నాయని గ్రామస్థులు చెపుతున్నారు. ఈ పక్షుల రాకతోనే రుతుపవనాలు ప్రవేశించినట్టుగా భావిస్తామన్నారు. అంతేకాకుండా వర్షాలు సమృద్ధిగా కురుస్తాయని, పంటలు బాగా పండుతాయనే నమ్మకం వీరిలో ఉంది. ఏది ఏమైనా విదేశీ పక్షులు ఈ మారుమూల గ్రామానికి రావడం ఆశ్చర్యంగా ఉంది కదూ..!