మద్యం ఏరులై పారుతున్న ఓరు'కల్లు'

ఓరుగల్లు కోట కాకతీయుల వైభవానికి ప్రతీక. ఇక్కడ శిల్ప సంపద చూపరులను ఎంతో ఆకట్టుకుంటుంది. ఇక్కడి శిల్పాలు మన తెలుగు చిత్రాల సన్నివేశాలలో కనబడతాయి. ఇంతటి అపురూపమైన కోట నేడు మద్యంలో తడిసిపోతోంది. మద్యం దుకాణాలు కోట పరిసర ప్రాంతాలలో వెలిశాయి.

కోట ప్రాభవాన్ని దర్శించేందుకు వచ్చే పర్యాటకులు అక్కడి మద్యం దుకాణాలు, పరిస్థితి చూసి వెనుదిరిగి వెళ్లిపోతున్నారు. దీంతో సమీప ప్రాంత మహిళలు కోట పరిసర ప్రాంతాలలో ఉన్న బెల్టు షాపులను ధ్వంసం చేశారు.

వెనుకటి రోజుల్లో ఎంతో ఆహ్లాదంగా అలరారే ఓరుగల్లు కోట మద్యం కంపుతో నిండిపోవడాన్ని పర్యాటకులు జీర్ణించుకోలేకపోతున్నారు. ప్రభుత్వం ఇకనైనా కఠిన చర్యలు తీసుకుని ఓరుగల్లు కోటను రక్షించాలని పర్యాటకులు కోరుతున్నారు.