అచ్యుతాపురం బాధితులను పరామర్శించనున్న జగన్

అనకాపల్లి జిల్లా అచ్యుతాపురంలోని ఎస్సైన్షియా ఫార్మా కంపెనీలో ఇటీవల జరిగిన ఘోర ప్రమాదంలో గాయపడిన వారిని పరామర్శించేందుకు మాజీ ముఖ్యమంత్రి వైఎస్‌ జగన్‌మోహన్‌రెడ్డి శుక్రవారం పర్యటిస్తారు. 

జగన్మోహన్ రెడ్డి గన్నవరం విమానాశ్రయం నుంచి విశాఖపట్నం విమానాశ్రయానికి చేరుకుని రోడ్డు మార్గంలో ఉషా ప్రైమ్ ఆసుపత్రికి చేరుకుంటారు. అక్కడ గాయపడిన బాధితులను పరామర్శించనున్నారు.  

18 మంది వ్యక్తులు ఉషా ప్రైమ్ హాస్పిటల్‌లో, ఏడుగురు మెడికోవర్ హాస్పిటల్‌లో, ఐదుగురు కిమ్స్‌లో చికిత్స పొందుతున్నారు. ఈ మేరకు గురువారం ముఖ్యమంత్రి చంద్రబాబు నాయుడు బాధితులను పరామర్శించి రూ.లక్ష పరిహారం ప్యాకేజీని ప్రకటించారు.