తనకు రాజకీయ జీవితాన్ని ప్రసాదించిన కాంగ్రెస్ పార్టీని టాలీవుడ్ సహజనటి, సికింద్రాబాద్ మాజీ ఎమ్మెల్యే జయసుధ వీడనున్నారు. గ్రేటర్ హైదరాబాద్ ఎన్నికలు ముగిసేలోపే ఆమె పార్టీ మారడం ఖాయంగా కనిపిస్తోంది.
నిజానికి గత ఎన్నికల్లో కాంగ్రెస్ పార్టీ చిత్తుగా ఓడిపోయినప్పటి నుంచి జయసుధ పార్టీ కార్యక్రమాలకు దూరంగా ఉంటూ వస్తున్నారు. ఈ నేపథ్యంలో.. ఆమెను తమ పార్టీలో చేర్చుకునేందుకు తెరాస నేతలు ముమ్మరంగా ప్రయత్నాలు చేశారు కూడా. కానీ, ఈ విషయంలో జయసుధ ఎక్కడా కూడా బయటపడలేదు.
ఈ నేపథ్యంలో... ఆమె ప్రస్తుతం టీడీపీ వైపు మొగ్గు చూపుతున్నట్టు తెలుస్తోంది. గ్రేటర్ ఎన్నికల నేపథ్యంలో ఆమె కాంగ్రెస్ పార్టీని వీడి టీడీపీలో చేరనున్నారనే గుసగుసలు వినిపిస్తున్నాయి. త్వరలోనే ఆమె టీడీపీ అధినేత చంద్రబాబునాయుడు సమక్షంలో పార్టీతీర్థం పుచ్చుకునే అవకాశాలు ఉన్నట్టు తెలుస్తోంది.