ఆమెతో భర్త.. రెడ్హ్యాండెడ్గా పట్టుకుని చితక్కొట్టిన భార్య...
పరాయి స్త్రీతో వివాహేతర సంబంధం పెట్టుకున్న భర్తను ఓ భార్య చితక్కొట్టింది. అదీ రెడ్హ్యాండెడ్గా పట్టుకుని చావబాదింది. ఈ ఘటన యాదాద్రి భువనగిరి జిల్లాలో జరిగింది. తాజాగా వెలుగులోకి వచ్చిన ఈ వివరాలను పరి
శనివారం, 7 జులై 2018 (17:01 IST)
పరాయి స్త్రీతో వివాహేతర సంబంధం పెట్టుకున్న భర్తను ఓ భార్య చితక్కొట్టింది. అదీ రెడ్హ్యాండెడ్గా పట్టుకుని చావబాదింది. ఈ ఘటన యాదాద్రి భువనగిరి జిల్లాలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే,
జిల్లా కలెక్టరేట్ కార్యాలయంలో ఏఓగా పనిచేస్తూ సస్పెండ్‌కు గురైన హరిప్రసాద్‌ నాయుడు అనే వ్యక్తి గత యేడాదిన్నర కాలంగా ఓ మహిళతో వివాహేతర సంబంధం పెట్టుకున్నాడు. అదేసమయంలో కట్టుకున్న భార్యను నిర్లక్ష్యం చేయసాగాడు. దీనిపై పలుమార్లు భర్తను హెచ్చరించినా ఆయన మారకపోగా.. భార్యపైనే దాడిచేయసాగాడు.
ఈ నేపథ్యంలో శుక్రవారం రాత్రి భర్త ఇంటికి రాకపోవడంతో విషయం గ్రహించిన భార్య.. తమ తల్లిదండ్రులతో కలిసి భర్త ఉన్న చోటుకు వెళ్లి రెడ్హ్యాండెడ్గా పట్టుకుంది. ఆ సమయంలో భర్త పారిపోయేందుకు ప్రయత్నించగా, ఆయన్ను చాకచక్యంగా పట్టుకుని చితకబాది పోలీసులకు పట్టించారు. అలాగే తన భర్తతో సంబంధం పెట్టుకున్న మహిళను కూడా చితకబాదారు. దీనిపై పోలీసులు కేసు నమోదు చేసి దర్యాప్తు చేస్తున్నారు.