తెలంగాణ అసెంబ్లీ ఎన్నికల్లో టీఆర్ఎస్ ఘన విజయం సాధించడంతో సీఎం కేసీఆర్, కేటీఆర్‌కు అభినందనలు వెల్లువెత్తుతున్నాయి. ట్విట్టర్ వేదికగా అనేకమంది ప్రముఖులు కేటీఆర్‌కు విషెస్ చెప్పారు. అయితే చారిత్రక విజయం సాధించినందుకు కంగ్రాట్స్ అన్నా... అంటూ ఆంద్రప్రదేశ్ టూరిజం శాఖ మంత్రి భూమా అఖిల ప్రియ ట్వీట్ చేయడం తెలుగుదేశం పార్టీ వర్గాల్లో కలకలం రేపుతోంది.
చంద్రబాబుకి రిటర్న్ గిఫ్ట్ ఖచ్చితంగా ఇస్తామని కేసీఆర్ వ్యాఖ్యానించడం, ఏపీ రాజకీయాల్లో వేలుపెడతామని కేటీఆర్ ప్రకటించిన నేపథ్యంలో భూమా అఖిల ప్రియ ట్వీట్ పైన తెలుగుదేశం పార్టీ వర్గాల్లో చర్చ నడుస్తోంది. ఈ విషయాన్ని తెలుగుదేశం పోలిట్ బ్యూరో సభ్యులు లైట్‌గా తీసుకున్నా దిగువస్థాయి నాయకులు మాత్రం భిన్నగా స్పందిస్తున్నారు.