తెలుగుదేశం పార్టీ మాజీ ఎమ్మెల్యే కందుల నారాయణ రెడ్డి ప్రయాణిస్తున్న కారు ప్రమాదానికి గురైంది. దీంతో మాజీ ఎమ్మెల్యేకు తీవ్ర గాయాలయ్యాయి. ఆయన మార్కాపురం నుంచి హైదరాబాద్ నగరానికి వెళుతుండగా ఈ ప్రమాదం జరిగింది. ప్రకాశం జిల్లాలోని యర్రగొండపాలెం సమీపంలో గురిజెల్లి మూలమలుపు వద్ద కారు బోల్తాపడింది. ఈ ప్రమాదంలో నారాయణ రెడ్డికి తీవ్ర గాయాలయ్యాయి. దీంతో ఆయన్ను స్థానిక ఆస్పత్రికి తరలించి ప్రాథమిక చికిత్స అందించారు. ఆ తర్వాత మెరుగైన వైద్యం కోసం హైదరాబాద్ నగరానికి తరలించారు.
ప్రస్తుతం ఈయన మార్కాపురం తెదేపా ఇన్‌ఛార్జ్‌‌గా కొనసాగుతున్నారు. మార్కాపురం నుంచి హైదరాబాద్ వెళ్తుండగా యర్రగొండపాలెం సమీపంలోని గురిజేపల్లి మూలమలుపు వద్ద ఆయన కారు బోల్తా పడింది. తీవ్రగాయాలైన నారాయణరెడ్డిని యర్రగొండపాలెంలోని ఓ ప్రైవేటు ఆస్పత్రికి తరలించారు. అక్కడ ప్రాథమిక చికిత్స అనంతరం మెరుగైన వైద్యం కోసం హైదరాబాద్ తరలించారు. ప్రమాదంలో కారు డ్రైవర్‌ స్వల్పంగా గాయపడ్డారు.