ఎండ మండిపోతోంది... వ‌డ‌గాలులు వీస్తున్నాయి. పాఠ‌శాల‌ల‌కు, క‌ళాశాల‌ల‌కు వేసవి సెల‌వ‌లు ఇచ్చేయాల‌ని ఒక ప‌క్క ప్రభుత్వం మొత్తుకుంటోంది. కానీ, కార్పొరేట్ కాలేజీలు మాత్రం త‌మ విద్యావ్యాపారానికి ఫుల్‌స్టాఫ్ పెట్టడంలేదు.
వేస‌విలో స్పెషల్ క్లాసులంటూ, విద్యార్థుల‌ను రుద్దేస్తున్నారు. విజ‌య‌వాడ‌లో విద్యార్థి సంఘాలు ఈ విద్యా వ్యాపారంపై ఆగ్రహం వ్యక్తం చేశాయి. అందునా, ఈ ఆజ్ఞలు ఉల్లంఘిస్తుంది ఎవ‌రో కాదు.. ప్రభుత్వంలో భాగ‌మై, అంతాతానై చ‌క్రం తిప్పుతున్న ఏపీ మున్సిప‌ల్ మంత్రి పి.నారాయణ.
ఈ మంత్రికి చెందిన నారాయణ కాలేజీలో వేసవి తరగతులు నిర్వహిస్తున్నార‌ని విద్యార్థి సంఘాలు ఆక‌స్మిక త‌నిఖీలు చేశాయి. నారాయణ కళాశాలపైన చర్యలు తీసుకోవాలని డిమాండ్ చేస్తూ ఎపీఎస్‌వై‌ఎఫ్ ధ‌ర్నా చేప‌ట్టింది. వేసవి తరగతులను అడ్డుకుని విద్యార్థి నాయ‌కులు క‌ళాశాల ఎదుట నిర‌స‌న తెలిపారు.