అరుదైన జాతి పాము... అచ్చం మనిషిలాగే ఆ సర్పానికి కాళ్లు.. కాలిగోళ్లు!

తెలంగాణ రాష్ట్రంలోని భద్రాద్రి కొత్తగూడెం జిల్లా కొత్తగూడెంలో అరుదైన సర్పం ఒకటి కనిపించింది. ఈ పాముకు మనిషికి ఉన్నట్టుగానే కాళ్లు, కాలిగోళ్లు ఉండటం చూసి ప్రతి ఒక్కరూ ఆశ్చర్యపోయారు. సాధారణంగా పాముకి కా

తెలంగాణ రాష్ట్రంలోని భద్రాద్రి కొత్తగూడెం జిల్లా కొత్తగూడెంలో అరుదైన సర్పం ఒకటి కనిపించింది. ఈ పాముకు మనిషికి ఉన్నట్టుగానే కాళ్లు, కాలిగోళ్లు ఉండటం చూసి ప్రతి ఒక్కరూ ఆశ్చర్యపోయారు. సాధారణంగా పాముకి కాళ్లు, ఆ కాళ్లకి గోళ్లు ఉండడం ఏంటన్నదే కదా మీ అనుమానం. కానీ, ఇది నిజం. 

కొత్తగూడెంలో పట్టుబడిన అత్యంత పురాతనమైన అరుదైన పాము అందర్నీ ఆశ్చర్యంలో ముంచెత్తింది. వందల ఏళ్ల క్రితం కనుమరుగయిన జాతికి చెందిన కోబ్రా చుంచుపల్లి మండలం రాంపురానికి చెందిన కొట్ల రాములు అనే రైతు పొలంలో కనిపించింది. ఆరు అడుగుల పొడవైన కోబ్రాను పొలంలో చూసిన రాములు తొలుత ఆందోళనకు గురయ్యాడు.

అయితే ఇది ఇతర పాములకు భిన్నంగా ఉండటంతో ఆసక్తిగా దానిని గురించి ప్రాణధార ట్రస్టు సభ్యులకు సమాచారం అందించారు. దీంతో ఆక్కడికి చేరుకున్న ప్రాణధార ట్రస్ట్‌ అధ్యక్షుడు సంతోష్, ఇతర సిబ్బంది పామును పట్టుకుని డీఎఫ్‌వో రాంబాబుకు అప్పగించారు. వారు పామును పరిశీలించి అరుదైన జాతికి చెందిన కోబ్రాగా దీనిని గుర్తించారు.