తెలంగాణలో ఫార్మా సిటీలో కంపెనీలకు ప్రత్యేక పవర్‌ప్లాంట్‌తో పాటు అన్ని రకాల మౌలిక సదుపాయాలు కల్పించేందుకు ముఖ్యమంత్రి కేసీఆర్ సంసిద్ధత వ్యక్తం చేశారు. తెలంగాణలో ఫార్మా రంగాన్ని ప్రోత్సహించే దిశగా ప్రత్యేకంగా ఫార్మాసిటీ ఏర్పాటు చేయనున్నట్లు కేసీఆర్ ప్రకటించారు.
బల్క్‌ డ్రగ్ మేనిఫాక్చర్స్ అసోసియేషన్‌ ప్రతినిధులతో బుధవారం కేసీఆర్ సమావేశమయ్యారు. ప్రత్యేక ఫార్మా సిటీని నెలకొల్పేందుకు 5 వేల ఎకరాల స్థలం అవసరమని సీఎంకు ఫార్మా ప్రతినిధులు తెలిపారు. ఫార్మా కంపెనీల కోసం ప్రత్యేక సెక్రటరీని నియమించాలని కోరగా, దీనికి సీఎం కేసీఆర్ సుముఖత వ్యక్తం చేశారు.