Webdunia - Bharat's app for daily news and videos

Install App

ఎన్టీఆర్ హెల్త్ యూనివ‌ర్సిటీ నిధుల బద‌లాయింపుపై ర‌చ్చ‌

Webdunia
గురువారం, 2 డిశెంబరు 2021 (16:14 IST)
ఎన్టీఆర్ ఆరోగ్య విశ్వవిద్యాలయం నిధులు 400 కోట్ల రూపాయలను ఏపీ స్టేట్ ఫైనాన్షియల్ సర్వీసెస్ కార్పొరేషన్ లిమిటెడ్ కు బదలాయించిన విష‌యం ఇపుడు ర‌చ్చ అవుతోంది. పాలక మండలి ద్వారా తీర్మానం చేసి నిధులు వెనక్కి రప్పించాలని విశ్వవిద్యాలయం వైస్ చాన్సలర్ డాక్టర్ శ్యాంప్రసాద్ కు ప్రగతిశీల ప్రజాస్వామ్య విద్యార్థి సంఘం (పీ డీ  ఎస్ యూ) నాయకులు గురువారం వినతిపత్రం అందజేశారు. నిధులు వెనక్కి రప్పించాలని గత రెండు రోజుల నుండి ఉద్యోగులు, సిబ్బంది జేఏసీ ఆధ్వర్యంలో నిరసన ఆందోళన నిర్వహిస్తున్నారు. వారి ఆందోళనకు పీ డీ ఎస్ యూ నాయకులు మద్దతు తెలియజేశారు.

 
పీ డీ ఎస్ యూ రాష్ట్ర అధ్యక్షులు ఎ.రవిచంద్ర మాట్లాడుతూ, ఆరోగ్య విశ్వవిద్యాలయం పాలక మండలి తీర్మానం చేయకుండానే  వైస్ చాన్సలర్, రిజిస్టార్ లను బెదిరించి స్టేట్ ఫైనాన్షియల్ సర్వీసెస్ కార్పొరేషన్ లిమిటెడ్ కు నాలుగు వందల కోట్ల రూపాయలను రాష్ట్ర ప్రభుత్వం బదిలీ చేసింది అన్నారు. విశ్వవిద్యాలయ నిధులు తీసుకోబోమని రాష్ట్ర విద్యాశాఖ మంత్రి ఆదిమూలపు సురేష్ ప్రకటించిన 24 గంటల లోపే రాష్ట్ర ప్రభుత్వం నిధుల బదలాయింపు ప్రక్రియ పూర్తి చేసిందని తెలిపారు. తద్వారా రాష్ట్ర ప్రభుత్వ నిజరూపం బహిర్గతమైందని దుయ్యబట్టారు. ఉద్యోగుల జీత భత్యాలు, పెన్షన్,వైద్య కళాశాలల అభివృద్ధి దీని ద్వారా కుంటుపడుతుందని ఆవేదన వ్యక్తం చేశారు. గత రెండు రోజుల నుండి ఉద్యోగులు సిబ్బంది ఆందోళన చేస్తున్నా ప్రభుత్వం ఏమాత్రం స్పందించడం లేదని విమర్శించారు. 
 
 
విశ్వవిద్యాలయం పాలక మండలి సమావేశం తక్షణమే నిర్వహించాలని వైస్ ఛాన్సలర్ని కోరారు. దీనిలో విశ్వవిద్యాలయ నిధులు  వెనక్కి  ఇవ్వాలని తీర్మానం చేయాలని డిమాండ్ చేశారు. దీనిపై ఏపీ స్టేట్ ఫైనాన్షియల్ సర్వీసెస్ కార్పొరేషన్ లిమిటెడ్ కు మరియు రాష్ట్ర ప్రభుత్వానికి తక్షణమే లేఖ రాయాలని వైస్ ఛాన్సలర్ ను కోరారు. ఆరోగ్య శాఖ మంత్రి ఆళ్ళ నానితో గురువారం జరిగే సమావేశంలో తప్పకుండా తెలియజేస్తానని వైస్ ఛాన్సలర్ శ్యాం ప్రసాద్ పీ డీ ఎస్  యూ నాయకులకు హామీ ఇచ్చారు. పీ  డీ ఎస్ యూ రాష్ట్ర అధ్యక్షులు ఎ.రవిచంద్ర, నగర అధ్యక్షులు ఐ. రాజేష్ వినతి పత్రం అందజేశారు.

సంబంధిత వార్తలు

అన్నీ చూడండి

టాలీవుడ్ లేటెస్ట్

ఇండస్ట్రీలో ప్రతిభకంటే బంధుప్రీతికే పెద్దపీట : పాయల్ రాజ్‌పుత్

ఐశ్వర్యారాయ్ బచ్చన్ బాడీగార్డు నెల వేతనం తెలుసా?

అమ్మతోడు.. జీవీ ప్రకాష్‌తో డేటింగ్ చేయడం లేదు : దివ్యభారతి

మెగాస్టార్ చిరంజీవి 'విశ్వంభర' నుంచి క్రేజీ అప్‌డేట్!

ఎఫ్ఎన్ సీసీ లీజు విషయం ప్రభుత్వం దృష్టికి తీసుకెళ్తా : దిల్ రాజు

అన్నీ చూడండి

ఆరోగ్యం ఇంకా...

ఈ ప్రపంచ ఆరోగ్య దినోత్సవ వేళ, కాలిఫోర్నియా బాదంపప్పులతో మీ ఆరోగ్యం

కిడ్నీ స్టోన్స్ తగ్గించేందుకు సింపుల్ టిప్స్

వేసవిలో లోదుస్తులు బిగుతుగా ధరించారంటే? రాత్రిపూట వేసుకోవద్దు..

వారానికి మూడు రోజుల పాటు కొబ్బరి నీళ్లు తాగితే?

హింద్‌వేర్ స్మార్ట్ అప్లయెన్సెస్ వారి మార్కస్ 80 బిల్ట్-ఇన్ ఓవెన్‌తో వంట

తర్వాతి కథనం
Show comments