మా అక్కను వేధించిన వారిని చంపేద్దామనుకున్నా : పవన్ కళ్యాణ్

అనంతపురం జిల్లా గుత్తిలోని ఓ ప్రైవేట్ ఇంజనీరింగ్ కాలేజీ విద్యార్థులతో హీరో, జనసేన పార్టీ అధినేత పవన్ కళ్యాణ్ ముచ్చటించారు. వారు అడిగిన ప్రశ్నలను సావధానంగా ఆలకించిన ఆయన వాటికి ఓపిగ్గా సమాధానం కూడా ఇచ్చ

అనంతపురం జిల్లా గుత్తిలోని ఓ ప్రైవేట్ ఇంజనీరింగ్ కాలేజీ విద్యార్థులతో హీరో, జనసేన పార్టీ అధినేత పవన్ కళ్యాణ్ ముచ్చటించారు. వారు అడిగిన ప్రశ్నలను సావధానంగా ఆలకించిన ఆయన వాటికి ఓపిగ్గా సమాధానం కూడా ఇచ్చారు. 

ఈ సందర్భంగా ఆయన విద్యార్థినుల రక్షణ, భద్రత గురించి మాట్లాడుతూ తన చిన్నప్పుడు ఎదురైన అనుభవాలను గుర్తు చేశారు. నా చిన్నతనంలో మా అక్కను ఏడిపించారు. అప్పుడు నాకు వాళ్లను చంపేద్దామని అనుకున్నా. అంత కోపం వచ్చింది. ఆడవాళ్లు బయటకు వెళితే ఇలాంటి వేధింపులు తప్పవా? ఈ పరిస్థితి మారాలన్న ఆలోచన అప్పటి నుంచే నా మనసులో ఉండిపోయింది' అని చెప్పారు.

జనసేన అధికారంలోకి వస్తే.. విద్యార్థినుల ఆత్మగౌరవాన్ని అవమానించిన వారెవరైనా.. వారిని కొట్టినా, తిట్టినా కేసులు పెడతామని హెచ్చరించారు. అమ్మాయిలు ఇంట్లో అయినా, వీధిలో అయినా ఒంటరిగా ఉండేందుకు, అర్థరాత్రి కూడా ధైర్యంగా ఒంటరిగా నడిచి వెళ్లేందుకు వీలు కల్పించే, భద్రత అందించే సమాజం రావాలన్నదే తన లక్ష్యమని అన్నారు.