మా ఆఫీసులో పవన్ కళ్యాణ్ ఫోటో.... ఆయన్ను ఎవరో తప్పుదోవ పట్టిస్తున్నారు... విష్ణు

జనసేన పార్టీ అధ్యక్షుడు పవన్ కళ్యాణ్ తమకు మిత్రుడనీ, ఆయన ఫోటో తమ భాజపా కార్యాలయాల్లో వుంటుందని అన్నారు భాజపా ఎమ్మెల్యే విష్ణుకుమార్ రాజు. పవన్ కళ్యాణ్ చేసిన సహాయాన్ని తాము 2019 ఎన్నికల వరకూ చెపుతూనే వుంటామన్నారు. ఆయనతో తమ పార్టీకి ఎలాంటి విభేదాలు లేవ

జనసేన పార్టీ అధ్యక్షుడు పవన్ కళ్యాణ్ తమకు మిత్రుడనీ, ఆయన ఫోటో తమ భాజపా కార్యాలయాల్లో వుంటుందని అన్నారు భాజపా ఎమ్మెల్యే విష్ణుకుమార్ రాజు. పవన్ కళ్యాణ్ చేసిన సహాయాన్ని తాము 2019 ఎన్నికల వరకూ చెపుతూనే వుంటామన్నారు. ఆయనతో తమ పార్టీకి ఎలాంటి విభేదాలు లేవన్నారు.

ప్రత్యేక హోదా విషయంలో పవన్ కళ్యాణ్ ను ఎవరో తప్పుదోవ పట్టిస్తున్నట్లుగా తమకు అనిపిస్తోందన్నారు. ఎందుకంటే ప్రత్యేక హోదాను మించి ప్రత్యేక ప్యాకేజీ ఇస్తుంటే ఇక హోదాతో పనేంటి అని ప్రశ్నించారు. ప్యాకేజీలో వున్న వాస్తవాలేమిటి... హోదాతో వస్తున్నదేమిటో ఒక్కసారి పవన్ కళ్యాణ్ చెక్ చేసుకుంటే కేంద్రం చేస్తున్నదేమిటో ఆయనకు పూర్తిగా అవగతమవుతుందని చెప్పుకొచ్చారు.