రిమ్స్‌లో నర్సుపై కోవిడ్ పేషెంట్ బంధువు లైంగిక దాడి.. ఆస్పత్రిలో ఆంబోతుగా..?

RIMS Hospital

మహిళలపై అకృత్యాలు పెచ్చరిల్లిపోతున్నాయి. వయోబేధం లేకుండా.. అత్యాచారాలు, లైంగిక దాడులు జరుగుతున్నాయి. తాజాగా కోవిడ్ కేర్ సెంటర్లో కూడా చికిత్స అందిస్తూ సేవ చేస్తున్న నర్సుపై లైంగిక దాడి జరిగింది. 

ప్రకాశం జిల్లాలో ఈ దారుణం చోటుచేసుకుంది. ఒంగోలు రిమ్స్‌లో అందరూ చూస్తుండగానే నర్సుపై లైంగిక దాడికి పాల్పడ్డాడు కోవిడ్‌ బాధితురాలి బంధువు. వార్డులోనే నర్సుతో అసభ్యకరంగా ప్రవర్తించాడు. అటు నిందితుడుని అడ్డుకున్న వార్డులోని రోగులు, వారి బంధువులు నర్సును కాపాడారు. ఈ దృశ్యాలు ఆసుపత్రిలోని సీసీ కెమరాల్లో రికార్డయ్యాయి. 

బాధితురాలి నుంచి స్టేట్‌మెంట్‌ తీసుకున్న పోలీసులు నిందితుడు విజయ్‌కుమార్‌ను అదుపులోకి తీసుకుని కేసు నమోదు చేశారు. అరెస్ట్‌ చేసి రిమాండ్‌కు తరలించారు. ఈ కేసులో వెంటనే కేసు నమోదు చేసి నిందితుడ్ని అరెస్ట్‌ చేసినట్టు పోలీసులు తెలిపారు.