Webdunia - Bharat's app for daily news and videos

Install App

జి.కొండూరులో కోడిపందాలు, పేకాటకు భారీ స్కెచ్

Webdunia
బుధవారం, 12 జనవరి 2022 (14:26 IST)
కృష్ణా జిల్లా జి.కొండూరు మండల పరిధిలోని చెవుటూరు గ్రామంలో ఓ మామిడి తోటలో కోడి పందేలు, కోతముక్క నిర్వహణకు భారీగా స్కెచ్ వేశారు. కోతముక్క పేరుతో కంప్యూటర్ పేకను వినియోగించి భారీగా ప్రజల సొమ్మును లక్షల రూపాయలు దోచుకోవడానికి వ్యూహం పన్నారని ప్రజలు ఆరోపిస్తున్నారు. కొందరు స్థానిక నాయకులు విజయవాడ సింగ్ నగర్ కు చెందిన కొందరితో కుమ్మక్కై జి.కొండూరు కేంద్రంగా కొత్త ముక్క నిర్వహించడానికి అన్ని ఏర్పాట్లు సిద్ధం చేస్తున్నట్లు తెలిసింది.
 
 
 ఈ క్రమంలో సంక్రాంతి సంప్రదాయం  పేరుతో మూడు రోజుల పాటు భారీగా పందాలు వేసేందుకు సిద్ధమయ్యారు. విజయవాడ సింగ్ నగర్ బ్యాచ్ మాత్రం కోడిపందాలు, పేకాటకు అడ్డుపడితే ఎంతకైనా తెగిస్తామని బెదిరిస్తున్నట్లు తెలుస్తోంది. చెవుటూరు గ్రామంలో ఈ కోతముక్క మాఫియా గత 5 రోజుల నుంచి మామిడి తోటలో మైదానాన్ని సిద్ధం చేస్తున్నారు. కోడిపందాలు, పేకాట శిబిరం వద్ద చిన్న, చిన్న దుకాణాలు ఏర్పాటు చేసుకున్న వారి వద్ద నుంచి కూడా వారు వేలాది రూపాయలు వసూలు చేయనున్నట్లు ఆరోపణలు ఉన్నాయి. ఇదంతా బాగానే వుంది కానీ పండుగ ముసుగులో జరిగే అసాంఘిక కార్యకలాపాల నేపథ్యంలో ఎవరికైనా ప్రాణ హాని జరిగితే ఎవరు బాధ్యత వహిస్తారని పలువురు ప్రశ్నిస్తున్నారు. 
 
 
గతంలో కోడిపందాలు నేపథ్యంలో ఎన్నో గొడవలు జరిగిన సందర్భాలు చాలా ఉన్నాయి. కోడి పందాల నిర్వాహకులు ఇప్పటికే తాము రౌడీషీటర్లమని  ప్రత్యేకంగా చెప్పుకుంటున్నారు. తేడా వస్తే లారీలతో, వాహనాలతో తొక్కించి చంపేస్తామని వారు బహిరంగంగా బెదిరింపులకు పాల్పడుతున్నట్లు తెలిసింది. ఇక్కడ పేకాట, కోతముక్క, కోడిపందాల నిర్వహణ వెనుక సున్నంపాడు గ్రామానికి చెందిన ఓ రాజకీయ నాయకుని హస్తం ఉన్నట్లు ప్రజలు ఆరోపిస్తున్నారు. సదరు రాజకీయ నాయకుడు రాష్ట్ర స్థాయిలో ఓ మీడియా ప్రతినిధి అని చెప్పుకుంటూ తిరుగుతున్న ఓ వ్యక్తికి ఇక్కడ జూదం నిర్వహణ అప్పగించినట్లు ప్రజలు ఆరోపిస్తున్నారు.
 
 
ఇక్కడ జూదం నిర్వహించే వారు ఎన్నో కేసుల్లో ముద్దాయిలుగా పేర్కొంటున్నారు. మరి ముద్దాయిలను స్థానిక రాజకీయ నాయకులు ఎందుకు ప్రోత్సహిస్తున్నారనేది ప్రశ్నర్ధకంగా మారింది. ఇక్కడ ఎటువంటి అవాంఛనీయ సంఘటనలు జరగకముందే జిల్లా పోలీసు అధికారులు తక్షణమే స్పందించి ముందస్తు జాగ్రత్త చర్యలు చేపట్టాలని పలువురు కోరుతున్నారు.

సంబంధిత వార్తలు

అన్నీ చూడండి

టాలీవుడ్ లేటెస్ట్

'ఎంపురాన్‌'లో ఆ సన్నివేశాలు ప్రియమైన వారిని బాధించాయి, క్షమించండి : మోహన్‌లాల్

ఇబ్బందికర పరిస్థితుల్లో తల్లికి దొరికిపోయాను : హాస్యనటుడు స్వాతి సచ్‌దేవా

చిరంజీవి - అనిల్ రావిపూడి మూవీ పూజ - హాజరైన సినీ దిగ్గజాలు! (Video)

Naveen Chandra: 28°C సినిమా షూటింగ్ కష్టాలతో పుస్తకం రాబోతోంది

Parada: అనుపమ పరమేశ్వరన్ పరదా నుంచి మా అందాల సిరి సాంగ్

అన్నీ చూడండి

ఆరోగ్యం ఇంకా...

వేసవి ఎండల్లో ఈ 9 పండ్ల రసాలు తాగితే?

రక్తంలో హిమోగ్లోబిన్ స్థాయి తగ్గితే?

మనసే సుగంధం తలపే తీయందం

మెదడుకి అరుదైన వ్యాధి స్టోగ్రెన్స్ సిండ్రోమ్‌: విజయవాడలోని మణిపాల్ హాస్పిటల్ విజయవంతంగా చికిత్స

సాంబారులో వున్న పోషకాలు ఏమిటి?

తర్వాతి కథనం
Show comments