ద్యావుడా... యాపిల్ ధరను మించిన టమోటా, కిలో ఎంతో తెలిస్తే షాకే..?

ఆసియాలోనే అతిపెద్ద మార్కెట్ అయిన మదనపల్లె టమోటా మార్కెట్లో ఇప్పటి వరకు కనివినీ ఎరుగని రీతిలో మొదటిరకం టమోటా కిలో 150 రూపాయలు పలకడం అందరిని ఆశ్చర్యపరుస్తోంది. గత రెండు నెలలుగా కొద్దికొద్దిగా పెరుగుతూ వచ్చిన టమోటా విస్తారంగా కురుస్తున్న వర్షాల కారణంగా వారం రోజులుగా అనూహ్యంగా పుంజుకుంది.

అయితే నిన్న ఏకంగా 2 కేజీల క్రేటు 3,600 రూపాయలు పలికింది. గత సంవత్సర కాలంగా అప్పులు చేసి పంట పెట్టినప్పటికీ చాలా నష్టపోయామని ఇప్పుడు ఈ ధరల వల్ల తమ అప్పులు తీరుతాయని ఆశాభావం వ్యక్తం చేస్తున్నారు. ధరలు పతనమైనప్పుడు తమను ప్రభుత్వం కానీ, అధికారులు కానీ ఎవరూ పట్టించుకోలేదని పెరిగినప్పుడు ఆగమేఘాల మీద ధరలను నియంత్రించడానికి ప్రయత్నిస్తారని ఆగ్రహం వ్యక్తం చేస్తున్నారు. 

ముఖ్యంగా వర్షాలకు అందరి పంట దెబ్బతిని పావు వంతు మాత్రమే పంట వస్తుండడం ధరలు పెరగడానికి కారణంగా తెలుస్తోంది. యాపిల్ ధర 120 కాగా టమోటా ధర 150 రూపాయలు ఉండటం సామాన్యులను నివ్వెరపరుస్తోంది. 500 మెట్రిక్ టన్నుల దిగుబడి వస్తున్న చోట 100 మెట్రిక్ టన్నులే వస్తోందని అధికారులు చెబుతున్నారు.