నెల్లూరు మేకల జత ధర రూ.1.50 లక్షలు

బక్రీద్ పండుగను పురస్కరించుకుని మేకలు వేలం వేయగా, ఇందులో నెల్లూరు మేకలకు రికార్డు స్థాయిలో ధర పలికింది. ఒక జత మేకలకను లక్ష యాభై వేల రూపాయలు పలికాయి. నెల్లూరు జిల్లా సంతపేటలో ఈ మేకల వేలం జరిగింది. 

ఈ సంతలో వేలూరు, తిరువణ్ణామలై, తిరువళ్లూర్‌, తదితర ప్రాంతాల నుంచి వచ్చిన మేకలను వేలం వేస్తుంటారు. ప్రతి వారం ఈ వేలం పాటలు జరుగుతుంటాయి. రాష్ట్రానికి చెందిన మేకల జత రూ.50 వేల వరకు విక్రయం కాగా, నెల్లూరుకు చెందిన మేకల జత రూ.1.50 లక్షలకు వ్యాపారులు కొనుగోలు చేశారు. 

ఈ విషయమై నెల్లూరు వ్యాపారులు మాట్లాడుతూ, నెల్లూరు తెల్లరకం మేక బరువు 25 కిలోలు వుంటుందని, మాంసం కోసమే ఈ మేకల్ని సంరక్షిస్తున్నామన్నారు. ఈ రకం మాంసం రుచి కూడా బాగుండడంతో వ్యాపారులు పోటీపడి కొనుగోలు చేశారని తెలిపారు. 

కాగా, రాణిపేట, వేలూరు, తిరుపత్తూర్‌ జిల్లాల్లో రెండు రోజులుగా సుమారు 20 ప్రాంతాల్లో నిర్వహించిన మేకల సంతలో రూ.25 కోట్ల విక్రయాలు జరిగాయని నిర్వాహకులు తెలిపారు.