కాంగ్రెస్ నేతకు గుండెపోటు.. సీపీఆర్ చేసి ప్రాణం పోసిన ఎమ్మెల్యే! (Video)

తెలంగాణ రాష్ట్రానికి చెందిన కాంగ్రెస్ నేత ఒకరు గుండెపోటుకుగురై అపస్మారకస్థితిలోకి జారుకున్నారు. ఈ విషయాన్ని గమనించిన స్థానిక ఎమ్మెల్యే డాక్టర్ తెల్లం వెంకట్రావు సీపీఆర్ చేసి రక్షించారు. రాష్ట్ర మంత్రి తుమ్మల నాగేశ్వర రావు పర్యటన సందర్భంగా పార్టీకి చెందిన స్థానిక నేతలంతా భద్రాచలానికి తరలివచ్చారు. 

ఆ సమయంలో కాంగ్రెస్ నేత ఒకరు గుండెపోటుకుగురై అపస్మారకస్థితిలోకి జారుకున్నారు. దీంతో అక్కడే ఉన్న ఎమ్మెల్యే తెల్లం వెంకట్రావు తక్షణమే స్పందించి, సీపీఆర్ చేయడంతో అస్వస్థతకుగురైన కాంగ్రెస్ నేతకు ప్రాణాపాయం తప్పింది. ఆ తర్వాత ఆయనను చికిత్స కోసం సమీపంలోని ఆస్పత్రికి తరలించారు. కాంగ్రెస్ నేతకు డాక్టర్ ఎమ్మెల్యే సీపీఆర్ చేస్తున్న వీడియో ఒకటి ఇపుడు సోషల్ మీడియాలో చక్కర్లు కొడుతోంది.