కరీంనగర్ జిల్లాలో మామిడి మొక్క చుట్టూ ప్రదక్షిణలు చేస్తున్న మూషికం తన పరుగులు ఆపడం లేదు. వరుసగా నాలుగో రోజు సైతం తన ప్రదక్షిణలను ఎలుక కొనసాగించింది. దీంతో పెద్ద సంఖ్యలో భక్తజనం ఈ వింతను చూసేందుకు దూర ప్రాంతాల నుండి తరలివస్తున్నారు.
కోనారావుపేట మండలం బావుసాయిపేట లోని ఎల్లమ్మ ఆలయంలోని మామిడి మొక్క కుదురు చుట్టూ గత నాలుగు రోజులుగా ఓ ఎలుక ప్రదక్షిణలు వేస్తోంది. చుట్టూ తిరిగి తిరిగి అలిసిపోతే కాసేపు విశ్రాంతిని తీసుకుని మళ్లీ తన ప్రదక్షిణలు కొనసాగిస్తోంది.
ఈ వింత ఆ నోటో ఈ నోటా చుట్టుపక్కల ప్రాంతాలకు పాకడంతో రోజురోజుకు ఈ భక్త మూషిక దర్శనానికి జనాలు పెద్ద సంఖ్యలో తరలివస్తున్నారు. ఇక శ్రావణ మాసం ప్రారంభమవ్వడంతో ఈ భక్తుల సంఖ్య ఇంకా పెరిగింది.