సాయంత్రానికల్లా ఓ ట్రాక్టర్ మీ పొలాన్ని దున్నుతూ వుంటుంది.. సోనూసూద్

కరోనా కష్టకాలంలో సోనూసూద్ రియల్ హీరో అనిపించుకుంటున్నారు. కరోనా మహమ్మారితో ఇబ్బందులు పడుతున్న వలస కార్మికులనెందరినో.. ఆయన వారి స్వస్థలాలకు పంపించారు. ఇంకా ఎన్నో.. సేవాకార్యక్రమాలు ఆయన నిర్వహించారు. ఇంకా సేవా కార్యక్రమాలు కొనసాగిస్తూనే వున్నారు.

తాజాగా చిత్తూరు జిల్లా మదనపల్లెలో ఓ రైతు కాడెద్దులతో, ట్రాక్టర్‌తో పొలం దున్నించుకునేందుకు డబ్బులేక తన ఇద్దరు కుమార్తెల సాయంతో పొలం దున్నడం సోషల్ మీడియాలో వైరల్ అయింది. 

ఈ వీడియో సోనూసూద్ దృష్టికి చేరింది. ఈ వీడియో చూసిన సోను సాయం చేసేందుకు ముందుకు వచ్చాడు. వారికి ఓ ట్రాక్టర్ కొనివ్వాలని నిర్ణయించారు. ఈ విషయాన్ని ట్విట్టర్‌లో వెల్లడించారు. తొలుత వారికి ఓ జత ఎద్దులు కొనివ్వాలని నిర్ణయించుకున్నానని తెలిపాడు. కానీ ఆపై మనసు మార్చుకుని సోనాలికా ట్రాక్టర్ అందించాలని నిశ్చయించుకున్నారు. సాయంత్రానికల్లా ఓ ట్రాక్టర్ మీ పొలాన్ని దున్నుతూ ఉంటుంది అంటూ సోనూ సూద్ ట్వీట్ చేశారు. సోనూ సేవాకార్యక్రమాలపై నెటిజన్లు ప్రశంసల జల్లు కురిపిస్తున్నారు.