తిరుమల బాల గంగమ్మ ఆలయం వద్ద చిరుత సంచారం.. పిల్లి చిక్కలేదు (video)

తిరుమలలోని తూర్పు బాలాజీ నగర్‌లోని బాల గంగమ్మ ఆలయం సమీపంలో సోమవారం రాత్రి ఒక చిరుతపులి సంచరించరించింది. పులి ఆలయ ప్రాంగణం సమీపంలో పిల్లిని వెంబడిస్తున్నట్లు కనిపించింది. దానిపై దాడి చేసేందుకు చిరుత గోడ పక్కగా నక్కి, నక్కి అక్కడికి వచ్చింది. ఆ తర్వాత ఆలయంలో విగ్రహాల పక్కన ఉన్న పిల్లికిపైకి ఒక్కసారిగా దూకింది. అయితే పిల్లి మాత్రం చిరుతకు చిక్కలేదు.

అక్కడి నుంచి భయంతో పరుగులు తీసింది. ఆ తర్వాత చిరుత అక్కడి నుంచి మెల్లిగా జారుకుంది.. తిరిగి అటవీ ప్రాంతంలోకి వెళ్లిపోయింది. ఈ సంఘటన మొత్తం ఆలయంలో ఏర్పాటు చేసిన సిసిటివి కెమెరాలలో రికార్డైంది. ఈ దృశ్యాన్ని చూసిన అటవీ అధికారులు సంఘటనా స్థలానికి చేరుకుని, ఆ ప్రాంతాన్ని పరిశీలించి, ప్రజల భద్రతను నిర్ధారించడానికి భద్రతా చర్యలను ముమ్మరం చేశారు.