రోజుకు 9 గంటలు నిద్రపోండి.. మీ చేతుల్లో మీ యవ్వనం: దలైలామా

ఒక వయస్సు దాటాక, రోజుకు 7 గంటలు నిద్రపోతే సంపూర్ణ ఆరోగ్యం మీ చేతుల్లో ఉన్నట్లే అని ఆధునిక, ప్రాచీన వైద్య శాస్త్రాలు తెలుపుతున్నాయి. కానీ బౌద్ధ మత గురువు దలైలామా మాత్రం నిత్య యవ్వనానికి ఒకటే సూత్రం అంటున్నారు. అదేమిటో తెలుసా.. రోజుకు 9 గంటలు నిద్రపోతే

ఒక వయస్సు దాటాక, రోజుకు 7 గంటలు నిద్రపోతే సంపూర్ణ ఆరోగ్యం మీ చేతుల్లో ఉన్నట్లే అని ఆధునిక, ప్రాచీన వైద్య శాస్త్రాలు తెలుపుతున్నాయి. కానీ బౌద్ధ మత గురువు దలైలామా మాత్రం నిత్య యవ్వనానికి ఒకటే సూత్రం అంటున్నారు. అదేమిటో తెలుసా.. రోజుకు 9 గంటలు నిద్రపోతే మీ యవ్వనం మీ చేతుల్లోనే ఉంటుందని చెబుతున్నారాయన.

దలైలామా సౌత్ ఏషియా సెంటర్‌ హైదరాబాద్‌లో ఏర్పాటు చేసిన సందర్భంగా హైదరాబాద్‌లో జరిగిన కార్యక్రమంలో పాల్గొన్న రాష్ట్ర ఐటీ మంత్రి కేటీఆర్ దలైలామాను ఒక ప్రశ్న వేశారు. ’మేము కూడా మీలాగా తేజోవంతంగా, హుషారుగా, తెలివిగా ఉండాలంటే ఏం చేయాలి.. మీరు పాటిస్తున్న రహస్యాన్ని తెలపండి’’.. కార్యక్రమం చివర్లో దలైలామాను మంత్రి కేటీఆర్‌ అడిగిన ప్రశ్న ఇది. 

ఈ ప్రశ్నకు దలైలామా నవ్వుతూ.. ‘‘ప్రశాంతంగా నిద్రపోవడమే’’ అన్నారు. తాను ప్రతి రోజు 9 గంటలు నిద్రపోతానని తెలిపారు. సాయంత్రం 6 గంటలకు నిద్రపోయి తెల్లవారుజామున 3గంటలకు లేస్తానని, ఆ తర్వాత నాలుగైదు గంటలు ధ్యానం చేస్తానని తెలిపారు. ప్రస్తుతం తన వయసు 82 సంవత్సరాలని, కానీ అందరూ 60-65 సంవత్సరాలని అనుకుంటారన్నారు. 

మంత్రి కేటీఆర్‌ మాట్లాడుతూ... బౌద్ధ గురువు దలైలామాతో గడిపిన ఈ క్షణాల్లో తాను ఎంతో విలువైన అంశాలు నేర్చుకున్నానని తెలిపారు. దలైలామా సౌత్ ఏషియా సెంటర్‌ హైదరాబాద్‌లో ఏర్పాటు చేసినందుకు గర్వంగా ఉందన్నారు. ఈ సెంటర్‌ కార్యాకలాపాలకు ప్రభుత్వం నుంచి అన్ని రకాలుగా సహాయం చేస్తామని తెలిపారు. ఇప్పటికే స్థలం, రూ. 5 కోట్లు కేటాయించినట్లు తెలిపారు.