నా భర్త నన్ను ప్రాణాలతో వుంచుతాడనే ఆశ లేదు... తెదేపా యూత్ లీడర్ భార్య ఆవేదన

ఓ గ్రామ సర్పంచ్ తీవ్రమైన తన వేదనను ఫేస్ బుక్ వేదికగా పంచుకుని తన గోడును వెళ్లబోసుకుంది. తన భర్త ఆమెను చిత్రహింసలకు గురిచేస్తున్నాడంటూ పేర్కొంది. ఫేస్‌బుక్‌లో ఆమె ఇలా రాసింది. " నా పేరు హరిణి కుమారి, తేలప్రోలు తెదేపా గ్రామ సర్పంచ్‌ని. నా భర్త ఐన కృష్ణ

ఓ గ్రామ సర్పంచ్ తీవ్రమైన తన వేదనను ఫేస్ బుక్ వేదికగా పంచుకుని తన గోడును వెళ్లబోసుకుంది. తన భర్త ఆమెను చిత్రహింసలకు గురిచేస్తున్నాడంటూ పేర్కొంది. ఫేస్‌బుక్‌లో ఆమె ఇలా రాసింది. " నా పేరు హరిణి కుమారి, తేలప్రోలు తెదేపా గ్రామ సర్పంచ్‌ని. నా భర్త ఐన కృష్ణా జిల్లా టిడీపి యూత్ లీడర్ భీమవరపు యతేంద్ర రామకృష్ణ గత కొంతకాలంగా నన్ను శారీరకంగా బాధపెడుతున్నాడు. దీనికి సంబంధించి గత ఏడాదిలో నేను గన్నవరం పోలీసు స్టేషన్లో కంప్లైంట్ చేశాను. నాకు ఎక్కడ ఎటువంటి న్యాయం జరగలేదు. 

ఆ స్టేషన్ సీఐ మీద యతేంద్ర రామకృష్ణ వత్తిడి తీసుకువచ్చి నా చేత కేసు వాపసు తీసుకునేలా చేశారు. నాకు యెక్కడ న్యాయం జరగంలేదు కాబట్టి నేను మీ అందరికి తెలియాలని నా బాధను ఇలా చెప్పుకుంటున్నాను. ఇంక నా భర్త నన్ను ప్రాణాలతో ఉంచుతాడనే ఆశ నాకు లేదు. కనీసం నా పిల్లల ప్రాణాలైనా కాపాడండి. ఇలాంటి పరిస్థితి మరొక ఆడపడుచుకి రాకుండా చూడండి.'' అని ఆవేదన వ్యక్తం చేసింది.