కోవిడ్ బాధితులకు వెల్లువెత్తుతున్న సాయం: 2 రోజుల్లో కోటి 56 లక్షల మందులు, హెల్త్ కిట్స్

కోవిడ్ మహమ్మారి వ్యాప్తి కొనసాగుతున్న విపత్కర పరిస్థితుల్లో ఆస్పత్రుల్లో చికిత్స పొందుతున్న వైరస్ బాధితులకు సాయం అందిచేందుకు వివిధ సంస్థల నుంచి సానుకూల స్పందన వస్తోందని స్టేట్ కోవిడ్ స్పెషల్ ఆఫీసర్ డాక్టర్ అర్జాశ్రీకాంత్ తెలిపారు.

ఈనెల 23, 24 తేదీల్లో బయోఫోర్, ఇండియాబుల్స్, మనతెలుగు అసోసియేషన్, డీకన్సెస్ గేట్వే హాస్పిటల్స్ సుమారు కోటి 56లక్షల విలువైన మందులు, హెల్త్ కిట్స్, ఆక్సిజన్ కాన్సన్‌ట్రేటర్లను అందజేశారని తెలిపారు. మందులు, ఇతర వస్తువులన్నీ ఆయా జిల్లాల్లో విరాళాలు ఇచ్చిన వారు సూచించిన ప్రదేశాలకు పంపడం జరిగింది.

అక్కడ సంబంధిత అధికారులు వాటిని అందుకున్నారు.  ప్రస్తుత పరిస్థితులను అధిగమించేందుకు అవసరమైన సహాయం చేసేందుకు ఇప్పటికే అనేక సంస్థలు, వ్యక్తులు ముందుకు వస్తున్నారని.. రాబోయే రోజుల్లో మరింత మంది కరోనాను ఎదుర్కొనడంలో ముందుకు రావాలని డాక్టర్ అర్జా శ్రీకాంత్ తెలిపారు.