గ్యాస్ అయిపోయింది ... ఇంట్లో ఉన్నది ఒక్క సిలిండర్ ... ఈ రోజు వంట ఎలా అని మథన పడుతున్నారా... ఒక్క సిలిండర్‌తో అష్టకష్టాలు పడుతున్న ఇండేన్ గ్యాస్ వినియోగదారులకు ఇది శుభవార్తే. ఇలాంటి వారి కోసం ప్రత్యేకంగా తత్కాల్ సేవ సౌకర్యాన్ని ప్రారంభించినట్టు ఇండేన్ యాజమాన్యం తెలిపింది.
కొత్త సిలిండర్ బుక్ చేసుకున్న వినియోగదారులకు రెండంటే రెండే గంటల్లో సిలిండర్ డెలివరీ అవుతుందని ఇండేన్ గ్యాస్ యాజమాన్యం పేర్కొంది. అయితే, ఇందుకోసం అదనంగా 25 రూపాయలు చెల్లించాల్సి ఉంటుందని కంపెనీ జనరల్ మేనేజర్ వి. వెట్రీ సెల్వకుమార్ తెలిపారు. ఫోన్, ఇండేన్ ఆయిల్‌వన్ యాప్, ఇండియన్ ఆయిల్ వెబ్‌సైట్ ద్వారా ఈ సేవలు వినియోగించుకోవచ్చన్నారు. హైదరాబాద్‌లో మొత్తం 62 ఇండేన్ డిస్ట్రిబ్యూటర్ల వద్ద ఈ సదుపాయం అందుబాటులో ఉన్నట్టు తెలిపారు.