ఈ ఆత్మహత్యలపై స్థానిక పోలీసులు స్పందిస్తూ.. రైల్వే ఉద్యోగి శ్రీనివాసులు కుటుంబం తన కుమార్తె, అల్లుడితో కలిసి ఉంటోంది. అల్లుడు బాబుకు వ్యాపారంలో నష్టాలు రావటంతో ఆ కుటుంబం ఈ ఘటనకు పాల్పడింది. ముందుగా చిన్నారులు నవనీత్, యశశ్రీని గొంతు నులిమి చంపి అనంతరం శ్రీనివాసులు భార్య జయలక్ష్మి, కుమార్తె రాజేశ్వరి, అల్లుడు బాబు ఉరి వేసుకుని ఆత్మహత్య చేసుకున్నారు.
కాగా శ్రీనివాసులు ఆ సమయంలో ఇంట్లో లేడు. పోలీసులు కేసు నమోదు చేసుకుని, మృతదేహాలను స్వాధీనం చేసుకున్నారు. పోస్ట్ మార్టంకు తరలిస్తున్నారు. ఈ సామూహిక ఆత్మహత్యలతో హౌసింగ్ బోర్డు కాలనీలో విషాదచాయలు అలముకున్నాయి.