కోర్టుకు కూతవేటు దూరంలో.. పట్టపగలు... నడి రోడ్డుపై నరికేశారు... ఎక్కడ? (Video)

రాయలసీమ జిల్లాలో మళ్లీ ఫ్యాక్షన్ హత్యలు పురుడు పోసుకుంటున్నాయి. గతవారం కర్నూలు జిల్లాలో వైకాపాకు చెందిన ఇద్దరు కీలక నేతలు దారుణ హత్యకు గురైన విషయం తెల్సిందే. ఈ ఘటన ఇంకా మరిచిపోకముందు.. గురువారం కడప జి

రాయలసీమ జిల్లాలో మళ్లీ ఫ్యాక్షన్ హత్యలు పురుడు పోసుకుంటున్నాయి. గతవారం కర్నూలు జిల్లాలో వైకాపాకు చెందిన ఇద్దరు కీలక నేతలు దారుణ హత్యకు గురైన విషయం తెల్సిందే. ఈ ఘటన ఇంకా మరిచిపోకముందు.. గురువారం కడప జిల్లాలో మరో ఫ్యాక్షన్ హత్య జరిగింది. పట్టపగలు, నడి రోడ్డుపై అత్యంత పాశవికంగా నరికేసిన ఘటన ఒకటి వెలుగులోకి వచ్చింది. 

పొద్దుటూరుకు చెందిన మారుతీ ప్రసాద్ రెడ్డి కుటుంబంలోని మహిళతో అక్రమ సంబంధం విషయంలో నలుగురు వ్యక్తులతో వివాదం నడుస్తోంది. ఈ నేపథ్యంలో ఈ రెండు వర్గాలు కోర్టు వాయిదాలకు హాజరవుతున్నారు. ఈ క్రమంలో కోర్టు వాయిదా కోసం మారుతీ ప్రసాద్ రెడ్డి వస్తున్న సమయంలో నలుగురు ప్రత్యర్థులు అతనిని అడ్డుకుని ఘర్షణ పడ్డారు. 

ఈ క్రమంలో వారి మధ్య వాగ్వాదం చోటుచేసుకుంది. ఇంతలో ఆ నలుగురూ మారుతీ ప్రసాద్ రెడ్డిని కత్తులతో పొడిచారు. వారి నుంచి తప్పించుకుని పారిపోయే ప్రయత్నం చేసిన మారుతీ ప్రసాద్ రెడ్డిని వెంబడించి, నడి రోడ్డుపై కిందపడేశారు. ఆ తర్వాత ఒకరు తల పట్టుకుంటే.. మరొకరు కత్తితో మెడపై అనేక సార్లు దాడి చేశాడు. దీంతో ప్రసాద్ రెడ్డి హత్యా స్థలంలోనే ప్రాణాలు కోల్పోయారు. 

ఇది అత్యంత పాశవికంగా... గొడ్డును చంపినట్టు అందరూ చూస్తుండగా నరికి చంపారు. ఈ దారుణం గురువారం ఉదయం 10 గంటల ప్రాంతంలో జరిగింది. ఈ హత్య జరుగుతున్న సమయంలో అనేక మంది రోడ్డుపై ఉన్నా.. వారి ఏ ఒక్కరూ కూడా అడ్డుకున్న పాపాన పోలేదు. ఈ హత్య పొద్దుటూరు కోర్టుకు కూతవేటు దూరంలో జరిగింది. దీనిపై స్థానిక పోలీసులు కేసు నమోదు చేసి దర్యాప్తు జరుపుతున్నారు.