కానిస్టేబుల్ మంగరాజు ఏం చేశాడో చూడండి... వీడియో చూస్తే నవ్వాపుకోలేరు
జాతిపిత మహాత్మా గాంధీ రోజున పోలీసు శాఖ పరువు తీశాడో కానిస్టేబుల్. ఇంతకీ ఆ కానిస్టేబుల్ అగ్నిమాక శాఖలో పని చేస్తున్నాడు. గాంధీ జయంతి సందర్భంగా నిర్వహించిన రోల్ కాల్‌లో పోలీసోళ్ళ పరువు తీశాడు.
జాతిపిత మహాత్మా గాంధీ రోజున పోలీసు శాఖ పరువు తీశాడో కానిస్టేబుల్. ఇంతకీ ఆ కానిస్టేబుల్ అగ్నిమాక శాఖలో పని చేస్తున్నాడు. గాంధీ జయంతి సందర్భంగా నిర్వహించిన రోల్ కాల్‌లో పోలీసోళ్ళ పరువు తీశాడు. ఆ కానిస్టేబుల్ పేరు మంగరాజు. రోల్ కాల్‌కు పూటుగా తాగి వచ్చి డ్రిల్ చేశాడు. ఈ డ్రిల్‌ను చూసిన సహచర సిబ్బందే కాదు... అక్కడున్న వారంతా పగలబడి నవ్వారు. దీంతో ఈ వీడియో ఇపుడు సోషల్ మీడియాలో వైరల్‌గా మారింది. ఈ వివరాలను పరిశీలిస్తే..
గాంధీ జయంతిని పురస్కరించుకుని ఉన్నతాధికారులు రానున్నారంటూ విశాఖపట్టణంలోని గంట్యాడ అగ్నిమాపక కార్యాలయ సిబ్బందిని అధికారులు అప్రమత్తం చేశారు. దీంతో ముందు జాగ్రత్త చర్యగా రోల్ కాల్‌లో డ్రిల్ నిర్వహించారు. ఇందులో కానిస్టేబుల్ మంగరాజు చేసిన డ్రిల్ చూసినవారు నవ్వాపుకోలేకపోతున్నారు. అప్పటికే పూటుగా తాగి వచ్చిన మంగరాజు లైన్‌లో నిల్చునేందుకు తీవ్రంగా ఇబ్బంది పడ్డాడు. అంతేకాక, ఉన్నతాధికారి ఇచ్చిన సూచనలు పాటించడంలో పూర్తిగా విఫలమయ్యాడు.
ఒక దశలో కాళ్లు తొట్రుపడటంతో పక్కలైన్లో నిల్చున్న సహోద్యోగిపై పడబోయాడు. మరోసారి ఏకంగా సూచనలిస్తున్న పైఉద్యోగిపై పడబోయాడు. ఇంకోమారు గుండ్రంగా తిరిగి తమాయించుకోలేక పక్కనే పార్క్ చేసివున్న టూవీలర్‌పై పడిపోయాడు. ఇది సోషల్ మీడియాలో వైరల్ అవుతోంది. ఆ వీడియోను మీరు కూడా చూసి ఎంజాయ్ చేయండి. నిజానికి గాంధీ జయంతి రోజున మద్యం విక్రయాలు పూర్తిగా నిషేధం. మరి మంగరాజుకు మధ్యం ఎక్కడ నుంచి వచ్చిందో పాపం.