తాగొస్తే చీపురు తిరగెయ్యండి...రోజా

ఎమ్మెల్యే.. అమ్మా.. మా భర్తలు తాగొచ్చి ఇళ్ళు గుళ్ళ చేస్తున్నారమ్మా.. పనిచేసిన డబ్బును తాగుడుకే ఖర్చు చేసేస్తున్నారమ్మా.. స్కూళ్ళ మధ్యలో, ఆలయాల మధ్యలోనే మద్యం దుకాణాలు పెట్టేశారమ్మా.. మీరే ఏదో ఒకటి చేయ

ఎమ్మెల్యే.. అమ్మా.. మా భర్తలు తాగొచ్చి ఇళ్ళు గుళ్ళ చేస్తున్నారమ్మా.. పనిచేసిన డబ్బును తాగుడుకే ఖర్చు చేసేస్తున్నారమ్మా.. స్కూళ్ళ మధ్యలో, ఆలయాల మధ్యలోనే మద్యం దుకాణాలు పెట్టేశారమ్మా.. మీరే ఏదో ఒకటి చేయాలి.. అని పుత్తూరు నియోజకవర్గ ప్రజలు వైసీపీ ఎమ్మెల్యే రోజాకు విన్నవించుకున్నారు.

మద్యం షాపులతో ఇబ్బందులు పడుతున్నామని, పాఠశాలలు, కళాశాలల మధ్యలోనే మద్యం షాపులను నడిపేస్తున్నారని, దీంతో మందు బాబులు ఫ్లూటుగా మద్యం సేవించి మాతో అసభ్యంగా మాట్లాడుతున్నారని కొంతమంది విద్యార్థినులు ఎమ్మెల్యే దృష్టికి తీసుకొచ్చారు. 

దీంతో రోజా సానుకూలంగా స్పందించి ఈ విషయంపై ఎక్సైజ్ శాఖ అధికారులతో మాట్లాడతాను. మీరు ధైర్యంగా ఉండండి. మద్యం షాపులను వేరే ప్రాంతానికి తరలించే బాధ్యత నాదని చెబుతూనే.. మీ భర్తలు తాగొస్తే మీరే దారిలో పెట్టుకోవాలి. వారికి బుద్ధి చెప్పండి అంటూ రోజా మహిళలకు సూచించారు. తాగొస్తే చీపురు తిరగెయ్యండి.. అప్పుడే వారికి తగిన బుద్ధి వస్తుందని రోజా అన్నారు.