ఇటీవల బెంగుళూరులోని ఎలక్ట్రానిక్ సిటీలో గుట్టుగా సాగుతున్న రేవ్ పార్టీని బెంగుళూరు పోలీసులు బహిర్గతం చేశారు. ఈ పార్టీలో అనేక సినీ, రాజకీయ ప్రముఖులు పాల్గొన్నారు. అయితే, ఈ రేవ్ పార్టీ ఏర్పాటులో ఆంధ్రప్రదేశ్ రాష్ట్రానికి చెందిన మంత్రి కాకాణి గోవర్థన్ రెడ్డి ముఖ్య అనుచరుడు కీలక పాత్ర పోషించినట్టు వార్తలు వస్తున్నాయి. అలాగే, అన్నమయ్య జిల్లా రాయచోటి వైకాపా ఎమ్మెల్యే శ్రీకాంత్ రెడ్డిల అనుచరులు కూడా ఉన్నట్టు సమాచారం.
కాగా, ఇప్పటికే పార్టీలో మంత్రి కాకాణి పేరు ఉన్న కారు స్టిక్కర్‌ను సీబీఐ పోలీసులు స్వాధీనం చేసుకున్నారు. దీని ఆధారంగా హైదరాబాద్‌కు చెందిన పూర్ణారెడ్డి అనే వ్యక్తి అరెస్టు చేశారు. రేవ్ పార్టీ ఏర్పాటులో ఆయనది ముఖ్యపాత్ర అని, ఆయన మంత్రి అనుచరుడేనని పోలీసుల ధృవీకరించారు. ఇప్పటికే అరెస్టయిన ఎమ్మెల్యే శ్రీకాంత్ రెడ్డి అనుచరుడు అరుణ్ కుమార్ సెల్‌ఫోన్ ఆధారంగా దర్యాప్తు సాగిస్తున్నారు వెల్లడించారు. ఆ పార్టీలో పాల్గొన్న సినీ నటి హేమ సహా మొత్తం ఎనిమిది మందికి సీసీబీ పోలీసులు శనివారం నోటీసులు జారీ చేశారు. మొత్తం 86 మంది డ్రగ్స్ తీసుకున్నట్టు వైద్య పరీక్షల్లో బయటపడిందని తెలిపారు. వీరిలో 59 మంది పురుషులు, 27 మంది మహిళలు ఉన్నట్టు తెలిపారు.