రూ.10 లక్షల పాతనోట్లతో బాలకృష్ణ సతీమణి... ఆ డబ్బును ఏం చేశారో తెలుసా?

తిరుపతి విమానాశ్రయంలో 10 లక్షల రూపాయల పాతనోట్లు తీసుకువచ్చి దొరికిపోయారు ప్రముఖ సినీనటుడు బాలక్రిష్ణ సతీమణి వసుంధర. అయితే ఆ పాతనోట్లకు సంబంధించిన లావాదేవీలను మొత్తాన్ని అధికారులకు చూపించడంతో అక్కడి నుంచి బయటపడ్డారు. కానీ డబ్బులను ఆ తరువాత ఏం చేశారా అ

తిరుపతి విమానాశ్రయంలో 10 లక్షల రూపాయల పాతనోట్లు తీసుకువచ్చి దొరికిపోయారు ప్రముఖ సినీనటుడు బాలక్రిష్ణ సతీమణి వసుంధర. అయితే ఆ పాతనోట్లకు సంబంధించిన లావాదేవీలను మొత్తాన్ని అధికారులకు చూపించడంతో అక్కడి నుంచి బయటపడ్డారు. కానీ డబ్బులను ఆ తరువాత ఏం చేశారా అన్న విషయం చాలామందికి తెలియదు. అయితే ఆ నగదు మొత్తాన్ని తిరుమల శ్రీవారి హుండీకే సమర్పించారు వసుంధర.

శ్రీవారి విఐపి విరామ సమయంలో వేంకటేశ్వరుడిని దర్శిచుకున్న వసుంధర డబ్బు మొత్తాన్ని కట్టలుగా కట్టి హుండీలో సమర్పించారు. ఈ విషయాన్ని తితిదే ప్రకటించపోయినా ఆమె సన్నిహితులు మాత్రం మీడియాకు తెలిపారు. అయితే బాలక్రిష్ణ నటించిన గౌతమిపుత్ర శాతకర్ణి సినిమా త్వరలో విడుదలవుతున్న నేపథ్యంలో ముడుపులు సమర్పించడానికే వసుంధర తిరుమలకు వచ్చినట్లు తెలుస్తోంది.