ఆంధ్రప్రదేశ్ రాష్ట్రంలో విపక్ష పార్టీలు రోడ్‌షోలు, ర్యాలీలు నిర్వహించకుండా జీవో నంబర్ 1ను ముఖ్యమంత్రి జగన్మోహన్ రెడ్డి సారథ్యంలోని వైకాపా ప్రభుత్వం తెచ్చింది. ఈ జీవోను అడ్డుపెట్టుకుని వైకాపా నేతలు విపక్ష నేతలను ఎక్కడికక్కడ రెచ్చిపోతున్నారు. వీరికి పోలీసులు వత్తాసు పలుకుతున్నారు. కొన్ని ప్రాంతాల్లో అయితే, పోలీసులు వైకాపా కార్యకర్తలకంటే మరింత అతిగా ప్రవర్తిస్తున్నారు.
ఈ నేపథ్యం జీవో నంబర్ 1కి వ్యతిరేకంగా సీబీఐ నేత రామకృష్ణ ఏపీ హైకోర్టులో పిటిషన్ దాఖలు చేశారు. దీనిపై విచారణకు స్వీకరించిన ధర్మాసనం.. తాత్కాలికంగా సస్పెండ్ చేసింది. పైగా, కౌంటర్ దాఖలు చేయాలంటూ ఏపీ సర్కారును ఆదేశించింది. ఈ నెల 20వ తేదీన ఈ పిటిషన్‌పై విచారణ జరుగనుంది.
ఈ నేపథ్యంలో హైకోర్టు తీర్పును సుప్రీంకోర్టులో రాష్ట్ర ప్రభుత్వం సవాల్ చేసింది. హైకోర్టు తీర్పును కొట్టి వేయాలని పేర్కొంది. జీవో నంబర్ 1పై తాత్కాలికంగా సస్పెండ్ విధిస్తూ ఏపీ హైకోర్టు విధించిన ఆదేశాలపై సుప్రీంకోర్టు ఏ విధంగా స్పందిస్తుందో వేచి చూడాల్సివుంది.