ప్రేమ పేరుతో మోసం.. రెండేళ్ల జైలుశిక్ష.. రూ.10వేల జరిమానా..!

మహిళలపై దురాగతాలు ఓవైపు జరుగుతున్నా.. మరోవైపు వారికి శిక్షలూ పడుతూనే ఉన్నాయి. తాజాగా ప్రేమ పేరుతో అమ్మాయిని మోసం చేసిన నిందితుడికి రెండేళ్ల జైలుశిక్ష, రూ.10వేల జరిమానా విధిస్తూ స్థానిక కోర్టు తీర్పు వ

మహిళలపై దురాగతాలు ఓవైపు జరుగుతున్నా.. మరోవైపు వారికి శిక్షలూ పడుతూనే ఉన్నాయి. తాజాగా ప్రేమ పేరుతో అమ్మాయిని మోసం చేసిన నిందితుడికి రెండేళ్ల జైలుశిక్ష, రూ.10వేల జరిమానా విధిస్తూ స్థానిక కోర్టు తీర్పు వెలువరించారు.

వివరాల్లోకి వెళితే.. అనంతపురం కక్కలపల్లి గ్రామానికి చెందిన ఆటో డ్రైవరు గాండ్ల చంద్రశేఖర్‌ అదే గ్రామానికి చెందిన విద్యార్థిని ప్రేమించమని వేధించేవాడు.

ఆమెను ప్రేమించమని వెంటపడేవాడు. పెళ్లి చేసుకుంటానని నమ్మించాడు. తీరా వివాహ ప్రస్తావన తేవడంతో ముఖం చాటేశాడు. దీంతో బాధితురాలి ఫిర్యాదు మేరకు కేసు నమోదు చేసిన పోలీసులు నిందితుడిని 2012వ సంవత్సరం మేనెల 7వ తేదిన అరెస్టు చేశారు.

కేసు విచారణ జరిగిన న్యాయస్థానం ఐదు మంది సాక్ష్యాలను విచారించి నేరం రుజువు కావడంతో నిందితుడికి 2సంవత్సరాల జైలు శిక్ష, రూ.10వేలు జరిమానా విధిస్తూ న్యాయమూర్తి విచారించారు.