కరోనా కాలంలో విలక్షణ నటుడు సోనూ సూద్ ప్రజలకు అండగా నిలిచాడు. ఆపదలో వున్నవారిని వారి వారి గమ్య ప్రాంతాలకు చేర్చాడు. తానున్నాననే అభయం ఇస్తున్నాడు. తాజాగా చిత్తూరు జిల్లా రైతు కుటుంబానికి ట్రాక్టర్‌ని అందించాడు. ఆయన చేస్తున్న సామాజిక సేవా కార్యక్రమాలన్నింటినీ గుర్తు చేసుకుంటూ ప్రజలు ప్రశంసల వర్షం కురిపిస్తున్నారు నెటిజన్లు.
దేశవ్యాప్తంగా సోనూసూద్ పేరు మోరు మ్రోగుతుంది. తన సొంత జిల్లాకి చెందిన రైతుకి సోనూసూద్ సాయం చేయడంతో తెలుగుదేశం పార్టీ అధినేత, ఏపీ ప్రతిపక్ష నేత చంద్రబాబు నాయుడు తన ట్విట్టర్ ద్వారా కృతజ్ఞతలు తెలిపారు.
రైతు ఇద్దరు కూతుళ్ళ బాధ్యత తాను తీసుకుంటానని చంద్రబాబు చెప్పారు. అలానే సోనూసూద్‌తో ఫోన్‌లో మాట్లాడినట్టు కూడా తెలిపారు. అయితే నన్ను ప్రోత్సహిస్తూ మీరు చెప్పిన మాటలకి ధన్యవాదాలు సార్ అంటూ సోనూసూద్ తన ట్విట్టర్‌లో పేర్కొన్నారు.
Tractor
మీ దయాగుణం ప్రతి ఒక్కరిలో స్పూర్తి నింపి ఎదుటి వారికి సాయపడేలా చేస్తుంది. లక్షల మంది తమ కలలని సాకారం చేసుకునేందుకు దారులు వెతుక్కుంటున్నారు. ఇలానే మీరు స్పూర్తి నింపండి సర్‌. త్వరలో మనం కలుద్దాం అంటూ సోనూసూద్ తన ట్విట్టర్ ద్వారా పేర్కొన్నారు.